BTA bank basqarma tóraǵasynyń burynǵy orynbasary Eńlik Taıjanov Ulttyq qaýipsizdik komıtetiniń Mańǵystaý oblysy boıynsha departamentine basshy bolyp taǵaıyndaldy, - dep habarlaıdy «Qamshy» portaly Tengrinews.kz-ke silteme jasap.

55 jastaǵy Eńlik Taıjanov – Soltústik Qazaqstan oblysynyń týmasy. Ár jyldary UQK-niń Soltústik Qazaqstan oblysy boıynsha departamenti basshysynyń orynbasary (1997-2000 jyldary), departament basshysy (2000-2001 jyldary) laýazymdaryn atqarǵan. 2001-2009 jyldar aralyǵynda Astana qalasy boıynsha UQKD-ni basqarǵan.

Sondaı-aq, E. Taıjanov 2009-2010 jyldar aralyǵynda BTA bank basqarma tóraǵasynyń orynbasary, 2013-2015 jyldar aralyǵynda QR-nyń Túrkimenstandaǵy elshisiniń keńesshisi bolǵan.