Qazaqsyń ba?

Ia, Onda nege qazaqshany bilmeısiń?

Tań attyma?

Ia,

Onda nege

óz elińde júrmeısiń?

Mazaqsyńba?

Ia,

Boldy endi sen

qazaqtarǵa sińbeısiń.

Nege?

Dubara urpaq sol qazaqty

túsinbeısiń bilmeısiń.

Ne kinám bar?

Aǵa men sábımin ǵoı, bilmeıtin!

Ata-anam ǵoı sol qazaqty

kózderine ilmeıtin.

Ash qalamyz eger ketsek

mynaý baılyq tirlikten,

Kápir bolyp ketseńdaǵy

osy arada jur deıtin.

E, beıshara onda seniń

áke shesheń nadan ba?

Joq aǵataı, sanaly olar

ilesip júr qoǵamǵa.

Joq baýyrym, ulttyq sana

oıanbaǵan nadanda,

Ult degen ne?

Zat pa álde adam ba?

Oı, baýyrym, adamdardy

ultqa bólip jaratqan.

Bizdi qazaq musylman dep

jeti ataǵa taratqan.

Kórseńshi sen tarıhyńdy

jazyp ketken paraqtan,

Ákeń menen shesheńe aıt

aıyrmasyn qazaqtan!

Aǵa sonda qazaq qaıda

júrgen joq pa qasymda?

Bári mendeı bólmap pa edi

alty jeti jasynda.

Nemenege alańdaıyn

úıde bar ǵoı basym da?

Bireýlerdiń júrgen joqpyn

qalǵan qutqan asynda.

E, baýyrym, sanań solaı

ýlandy ǵoı súrensiz,

Aıtpasa eger áke-shesheń

ras qaıdan bilersiz.

Qazaq bolsań ultyn súıgen

kók tý ustap júrersiz,

Qyzyl týǵa tabyndyrǵan

ata anań ǵoı jigersiz.

Bel astynda óz eliń bar

qazaǵyń bar jaılaǵan,

Ulty, dini erkindikte

ana tilde Saıraǵan.

Kók týy bar kóteretin

Nursultandaı hany bar,

Attyń basyn solaı burar

urpaq qamyn oılaǵan.

Baılyq, mánsáp, qý dúnıe

bári daǵy boqshylyq,

Ultty umytý, tilden azý,

din joǵaltý joqshylyq.

Jetkizbeıdi Saıran ómir

qaryn toıǵan toqshylyq,

Qoımańyzdar urpaǵyńdy

ómir boıy joqshy ǵyp.

Tóken Toqtasynuly

Qazaqstan Taldyqorǵan