Jaqynda YouTube jelisinde «Memlekettik qyzmetshi Baha Esentaev «Karlton» kazınosynda» degen vıdeo jarıalanǵan edi. Onda Baha esimdi áldebir azamattyń kazınoda úlken somada utylyp qalyp, tóbeles shyǵarǵany kórsetiledi. Vıdeodaǵy tıtrda oqıǵanyń 2015 jyldyń qyrkúıeginde bolǵany aıtylady.

Vıdeodaǵy jazbadan uqqqanymyzdaı, atalǵan azamat oıynhanada 40000 dollar aqshasynan utylady. Bar óshin kazıno qyzmetkerleri men kúzetshilerden almaq bolady. Vıdeo sońynda kúzetshiler ony syrtqa alyp shyqqany kórinedi. Alaıda, kazıno qyzmetkerleri tóbeleskish oıynshyǵa kúsh qoldanbaǵan.

Vıdeoǵa qaldyrylǵan pikirlerdiń birinde oıynhanada tóbeles shyǵarǵan azamattyń qazaqstandyq prodúser Baıan Esentaevanyń kúıeýi Baqytbek Esentaevqa uqsaıtyny aıtylǵan. Biraq, prodúserdiń Maııa esimdi kómekshisi vıdeodaǵy jigittiń Baqytbek Esentaevqa eshqandaı qatysy joq ekenin aıtyp, uqsastyqty úzildi-kesildi joqqa shyǵarǵan.

Osy jerde vıdeonyń túrli kameralardan jazylyp, montajdalǵanyn aıta ketý kerek.