QazUÝ-lyq "Suńqar" stýdentter kásipodaǵy dástúrli túrde ótkizetin "Suńqar kýbogy" KVN lıgasynyń jartylaı fınaly óz máresine jetti,-dep habarlaıdy «Qamshy» portaly.

Ómirbek Joldasbekov atyndaǵy Stýdentter saraıynda ótken «kóńildi tapqyrlar klýbynyń» ázilderin tyńdaýǵa stýdentter men magıstranttar tegis jınaldy. Keshte kórermenderge stýdentterden bólek, «Ulttyq qurama» ázilqoılary óner kórsetti. Kóńildi keshti ázil áleminiń maıtalmany Dastan Jaınaq tizgindedi.

İs-sharaǵa barlyǵy 9 komanda qatysty. Kóńildi tartys qorytyndysy boıynsha 5 komanda fınalǵa joldama aldy. Olardyń ishinde Mehanıka-matematıka fakúltetiniń "Mehmat quramasy", "Daryndy túlekter", Zań fakúltetiniń "Báke, Máke, Sháke", Fızıka-tehnıkalyq fakúltetiniń "Fızteh qurama", tań qaldyrýdan jalyqpaıtyn fılologıa, ádebıettaný jáne álem tilderi fakúltetiniń "Tań qalmańyz" KVN komandalary sýyrylyp shyǵyp, "Suńqar kýbogy" KVN lıgasynyń fınaldyq oıyndarynda baqtaryn synaýǵa múmkindik aldy.

Jartylaı fınaldyń qorytyndysy boıynsha Jýrnalısıka fakúltetiniń "Aınalaıyn" KVN komandasynyń múshesi - Baqytnur Ospanova "Mıs KVN", al "Daryn túlekteri" KVN komandasynyń múshesi Abzal Qambarov "Mıster KVN" nomınasıasyna ıe boldy. Al eń úzdik jankúıerler nomınasıasyn mehanıka-matematıka fakúltetiniń jalyndy stýdentteri qanjyǵalady.