Ulan-batyr qalasynda bokstan jastar arasynda ótken el birinshiliginde qaryndasymyz Nurjamıla Batyrbekqyzy Mońǵolıa chempıony atandy dep habarlaıdy «Qamshy» portaly.  

KAZNEWS aqparat portalynyń málimetinshe, 48 keli salmaqta sharshy alańǵa shyqqan Nurjámıla barlyq qarsylastarynan basym túsip, altyn medalǵa qol jetkizgen. Sondaı-aq, ol jarystyń «úzdik sportshysy» ataǵyn qosa ıelenipti.

Sol jaqtan birinshi turǵan Nurjámıla Batyrbekyzy

18 jastaǵy Nurjámıla Baın-Ólgııdegi qazaq jastary arasynan shyqqan talantty sportshylardyń qatarynda. Bul onyń birinshi retki jetistigi emes. Qaryndasymyz 2013 jyly mońǵol eliniń jasóspirimder arasynda ótken básekesinde top jaryp, respýblıka chempıony bolǵan edi. Mońǵolıa jasóspirimder quramasynyń qatarynda shetelderge de baryp, jarysqa qatysqan. 
Al, osy ret 15-20 aqpan aralyǵynda ótken el chempıonatynda taǵy bir qaryndasymyz C.Gúldáýren 51 keli salmaqta synǵa túsip, qola júlde enshilepti.