Aqtóbe oblysynda Sırıadaǵy soǵysqa attanbaq bolǵan 20 adam qolǵa tústi, - dep habarlaıdy «Qamshy» portaly ratel.kz-ke silteme jasap.

Ustalǵandardyń barlyǵy Aqtóbe qalasy men Muǵaljar aýdanynyń turǵyndary kórinedi. UQK qyzmetkerleri toqtatqan Gazel kóliginiń ishinde 20 adam bolǵan. Olardyń 10-y erler, qalǵany áıelder men balalar eken.

UQK qyzmetkerleri ustalǵandardyń Sırıa saparyna uzaq daıyndalǵandaryn, júretin baǵyttardy muqıat pysyqtaǵandaryn aıtady. Tipti, «qasıetti saparǵa» shyǵatyn kúni kúdik týǵyzbas úshin erler saqaldaryn qyryp tastap, áıelderi hıdjaptaryn sheshken. Jıhadqa jınalǵandar onda áıelderimen qosa, balalaryn da alyp ketýge árekettengen.

Qazir ustalǵan erkekter túgel ýaqytsha ustaý ızolátoryna jabylyp, áıelder men balalar úılerine jiberilgen. Tergeý jumystary júrgizilýde.