Almaty qalasy Medeý aýdanynyń №2 soty jemqorlyq qylmys jasady dep aıyptalǵa Qazaqstan Jýrnalıser odaǵynyń tóraǵasy Seıitqazy Mataevty eki aı merzimge úı qamaqqa alý túrindegi bultartpaý sharasyn qoldaný týraly qaýly qabyldady, - dep habarlaıdy «Qamshy» portaly «Astana» arnasyna silteme jasap.

Sot qaýlysy búgin keshke jarıalandy. Sotta jedel-tergeý tobynyń jetekshisi men prokýror osyndaı bultartpaý sharasyn qoldanýdy, Mataevtyń qorǵaýshysy kepildikpen bosatýdy suraǵan bolatyn. Úı qamaqqa alynǵan Mataevqa ǵalamtordy qosa alǵanda, baılanys quraldarynyń barlyq túrlerin paıdalanýǵa tyıym salyndy.

Seıitqazy Mataevtyń ózi taǵylǵan aıyppeen kelispeıtinin jáne elden eshqaıda ketý oıy joqtyǵyn, kinásizdigin dáleldeıtinin aıtty.

Esterińizge salsaq, Seıitqazy Mataevqa Almaty qalasy boıynsha jemqorlyq qylmystarǵa qarsy is-qımyl departamenti asa iri kólemde qarjy jymqyrdy, salyq tóleýden jaltardy degen aıyp taǵyp, qamaýǵa alǵan bolatyn. Jemqorlyqqa qarsy qyzmet ókilderi, sonyen qatar Seıitqazy Mataevtyń uly, «QazTAG» aqparat agenttiginiń bas dırektory Áset Mataevty da tergegen edi.

,