Ál-Farabı atyndaǵy Qazaq ulttyq ýnıversıtetiniń basshylyǵy dıplomatıalyq ókilettiligi aıaqtalǵan Japonıanyń Qazaqstandaǵy tótenshe jáne ókiletti elshisi Kamohara Masaósımen kezdesti, - dep habarlaıdy «Qamshy» portaly.

Elshi QazUÝ men Japon ýnıversıtetteri arasynda ǵylym men bilim salasynda tyǵyz qarym-qatynas ornatýǵa tikeleı ózi atsalysqan.. Nátıjesinde eki jaqty kelisimder, birlesken jańa jobalar júzege asyp, jańa áriptester paıda boldy. Solardyń biri halyqaralyq MAGATE jelisi boıynsha «Iadrolyq reaksıalardyń kompúterlik aqparattyq bazasyn qurý men daıyndaý». «Taǵylymdama kezinde jobany iske asyrýshylar Hokkaıdo ýnıversıtetiniń aqparattyq bazasymen, WebbleWorld baǵdarlamalyq qamtamasyz etý ortalyǵymen jáne Tokıoda (RIKEN) fızıko-hımıalyq zertteýler Instıtýtynda tájirıbelik ornatqyshtarmen de jumys jasaldy. Ulttyq kadrlar daıyndaldy. Tokıo ýnıversıtetinde ǵylymı daıyndyqtan ótken bes magıstrant qazaqstandyq alǵashqy nano-spýtnıktiń jobasyn jasap, qurastyryp, ushyrǵan bolatyn», – dep atap ótti QazUÝ rektory Ǵalym Mutanov.

Eki jaq ta áriptestiktiń damý qarqynyna rızashylyqtaryn bildirdi. Kamohara Masaósıdiń aıtýynsha, QazUÝ-da bilim alyp jatqan japon stýdentteri Qazaqstandaǵy ómirlerine razy, sondyqtan olar munda múmkindiginshe jıi kelýge tyrysady. Elshi myrza atap ótkenindeı bul ol úshin qýantarlyq jaıt. «Ótken jyly Japonıa premer-mınıstriniń Qazaqstanǵa jasaǵan sapary men prezıdent N.Nazarbaevpen kezdesýi eki el arasyndaǵy birlesken jobalardyń damýyna serpin berdi», – dedi elshi.

Kezdesý barysynda yntymaqtastyq máseleleri kóterilip, birlesip ázirlengen joba nátıjeleri aıtyldy. Solardyń biri. Japonıanyń Qazaqstandaǵy elshiliginiń qoldaýymen uıymdastyrylǵan japon tili baıqaýy. Japan Foundation qorymen de qyrýar jumystar atqarylýda. Sonymen qatar, mádenı aralyq dıalog aıasynda Vaseda ýnıversıtetiniń stýdentteri 16 ret QazUÝ-ǵa keldi. Kelgen ýnıversıtet stýdentteri qatarynda japondyqtarmen qatar BAÁ jáne Qytaı azamattary da bar.

Aıta keterligi, QazUÝ ǵalymdary japon ýnıversıtetterimen berıl shaǵyldyrǵyshtarynyń qasıetterin zertteýmen jáne ony ıadrolyq energetıkada paıdalaný úshin eseptik kórsetkishterin anyqtaýdyń ǵylymı jumystaryn atqardy. Basqa joba aıasynda joǵary temperatýraly sý býynda grafıttiń totyǵýy (joǵary temperatýraly salqyndatqysh gazdy reaktor) zertteldi.

Kezdesýdi eki jaq ta yntymaqtastyqtyń aldaǵy ýaqyttaǵy josparlarymen qorytyndylady. Ál-Farabı atyndaǵy QazUÝ rektory Ǵalym Mutanov eki jaqty eńbektiń nátıjesin osydan úsh jyl buryn Ál-Farabı kitaphanasy aldynda óz qolymen otyrǵyzǵan sakýra aǵashymen salystyrdy. Bul oqıǵa endigi kún shyǵys eliniń elshiligi men respýblıkamyzdyń úzdik joǵary oqý orny arasyndaǵy dostyq pen áriptestik qarym- qatynasynyń sımvolyna aınaldy.