Osy aptadaǵy taǵaıyndaýlardyń kóbi negizinen Ońtústik Qazaqstan oblysynda oryn aldy. Bul óńirde oblys ákiminiń ókimimen qurylǵan 7 basqarmaǵa jańa basshylar taǵaıyndaldy,-dep habarlaıdy «Qamshy» portaly QazAqparatqa silteme jasap.

Osy aptada QR İİM TJK tóraǵasy V.Bekker jeke quramǵa QR İshki ister mınıstri, polısıa general-polkovnıgi Qalmuhambet Qasymovtyń Qaraǵandy oblysy Tótenshe jaǵdaılar departamentiniń burynǵy basshysy, azamattyq qorǵanys polkovnıgiTalǵat Nurmaǵambetovti Tótenshe jaǵdaılar komıteti basshysynyń orynbasary etip taǵaıyndaý týraly buıryǵyn tanystyrdy.

Azamattyq qorǵanys polkovnıgi Talǵat Nurmaǵambetov 1965 jyly 24 mamyrda dúnıege kelgen. 1986 jyly Iý.V. Andropov atyndaǵy áýe qorǵanysy jónindegi Lenıngrad áskerı-saıası ýchılıshesin támamdaǵan. 2004 jyly Pavlodar ýnıversıtetin «psıhologıa magıstri» mamandyǵy boıynsha bitirgen. Qaraǵandy oblysy Tótenshe jaǵdaılar departamentiniń basshysy qyzmetine deıin T. Nurmaǵambetov Pavlodar oblysy boıynsha TJD basshysynyń orynbasary bolǵan. Ol buǵan deıin rota komandıriniń orynbasary laýazymynan Qaraǵandy oblysy TJD basshysy qyzmetine deıingi eńbek jolyn júrip ótken. T. Nurmaǵambetov Qazaqstanmen shekaralas Reseıdiń óńirlerimen TJ jáne AQ salasy boıynsha óńirlik kezdesýlerdi uıymdastyrýdyń, sondaı-aq qutqarýdyń qalalyq qyzmetteri men sýda qutqarý qyzmetin uıymdastyrýdyń bastamashysy bolyp tabylady. Aıta keteıik, jańa basshy «QSRO QK 70 jyl» medalimen, «Áskerı qyzmetindegi ereksheligi úshin» 2-shi dárejeli medalimen, «Qazaqstan Respýblıkasy Qarýly kúshterine 10 jyl», «Minsiz qyzmeti úshin» 2,3-shi dárejeli medaldarmen jáne Qazaqstan Respýblıkasy TJM qurmet gramotasymen marapattalǵan.

Ońtústik Qazaqstan oblysy ákiminiń ókimimen 2016 jyldyń 25 aqpany kúni jańadan qurylǵan oblystyq basqarmalardyń basshylary taǵaıyndaldy. Atap aıtqanda, Ońtústik Qazaqstan oblysy bilim basqarmasynyń basshysy laýazymyna Qýandyq Salybekuly Qulajanov keldi. Ol 1969 jyly týǵan, bilimi joǵary, mamandyǵy matematıka pániniń muǵalimi, zańger. Eńbek jolyn Tólebı aýdany Abaı aýyly orta mektebiniń qarapaıym muǵalimi bolyp bastaǵan. Qazyǵurt aýdany ákiminiń orynbasary, oblys ákimi apparatynda jaýapty qyzmetter atqarǵan, Qazaqstan Respýblıkasy Memlekettik qyzmet isteri agenttigi Ońtústik Qazaqstan oblysy boıynsha departamenti bastyǵynyń orynbasary, tártiptik keńesi hatshylyǵynyń meńgerýshisi bolǵan. 2015 jylǵy qazannan bastap oblystyq  bilim, jastar saıasaty jáne tilderdi damytý basqarmasy basshysynyń mindetin atqarýshy, basqarma basshysynyń orynbasary qyzmetterin atqardy.

Ońtústik Qazaqstan oblysy jastar saıasaty máseleleri jónindegi basqarmasynyń basshysy laýazymynaBolat Serikuly Janábil taǵaıyndaldy.B.Janábil 1982 jyly týǵan, bilimi joǵary, mamandyǵy qarjyger, zańger, memlekettik jáne jergilikti basqarý bakalavry. Eńbek jolyn qarapaıym qyzmetterden bastaǵan B.Janábil Shymkent qalasy mádenıet, ishki saıasat, jastarmen jumys bólimderinde eńbek etken. Oblystyq ishki saıasat basqarmasynda da jastar máselesimen aınalysqan. Qazaqstan Respýblıkasy Bilim jáne ǵylym mınıstrliginiń jastar saıasaty departamentinde óńirlik jastar saıasatyn úılestirý basqarmasynyń bas sarapshysy, Ońtústik Qazaqstan oblysy jastar saıasaty máseleleri basqarmasy basshysynyń orynbasary bolǵan.  2015 jylǵy qańtardan bastap oblystyq bilim, jastar saıasaty jáne tilderdi damytý basqarmasy basshysynyń orynbasary laýazymynda  jastar máselesimen aınalysty.

Ońtústik Qazaqstan oblysy ishki saıasat basqarmasynyń basshysy laýazymyna Almasbek Keńesbekuly Mamytbekov taǵaıyndaldy. A.Mamytbekov 1969 jyly týǵan, bilimi joǵary, mamandyǵy geografıa jáne bıologıa pánderiniń oqytýshysy, ekonomıka jáne bıznes bakalavry. Eńbek jolyn 1987 jyly Shymkent oblysy Túlkibas aýdanynyń qus fabrıkasynda bastaǵan. Shymkent qalasy ákimdiginiń derbes bólimderinde eńbek etken. Ońtústik Qazaqstan oblys ákimshiliginiń qoǵamdyq kelisim jáne aqparat, mádenıet jáne jastar isi basqarmalarynda joǵary laýazymdy qyzmetter atqarǵan. Túlkibas aýdany ákiminiń orynbasary, oblystyq ishki saıasat departamenti dırektorynyń orynbasary, oblystyq ishki saıasat basqarmasynyń bastyǵy, oblys ákimi apparaty uıymdastyrý-ınspektorlyq bólimindegi oblys ákiminiń bas ınspektory, «Nur-Otan» partıasynyń Ońtústik Qazaqstan oblysy boıynsha fılıaly tóraǵasynyń orynbasary, birinshi orynbasary laýazymdarynda eńbek etken.  2015 jylǵy qazannan bastap Ońtústik Qazaqstan oblysy ishki saıasat jáne din isteri basqarmasynyń basshysy boldy.

Ońtústik Qazaqstan oblysy din isteri basqarmasynyń basshysy laýazymyna Batyrbek Qarataıuly Jalmurzaev taǵaıyndaldy. B.Jalmurzaev 1955 jyly týǵan, bilimi joǵary. Eńbek jolyn 1973 jyly Aqtóbe et kombınatynda bastap, sol oblysta partıa, komsomol organdarynda eńbek etken.  1990 jyldan bastap Ońtústik Qazaqstan oblysy Túlkibas aýdanynyń partıa, keńes jáne jergilikti atqarýshy organdarynda jaýapty qyzmetter atqarǵan. Ońtústik Qazaqstan oblysy ákimi apparaty qoǵamdyq-saıası bóliminiń meńgerýshisi,  oblystyq ishki saıasat basqarmasynyń bastyǵy, oblystyq din isteri jónindegi departamentiniń dırektory laýazymdaryn atqarǵan. Búgingi kúnge deıin Saıram aýdandyq ishki saıasat bóliminiń basshysy bolyp qyzmet etti.

Ońtústik Qazaqstan oblysy energetıka jáne turǵyn úı-kommýnaldyq sharýashylyq basqarmasynyń basshysy laýazymyna Marǵulan Zulharnaıuly Maraım taǵaıyndaldy. M.Maraım 1973 jyly týǵan, bilimi joǵary, mamandyǵy zańger, ekonomıs, ekonomıka ǵylymdarynyń kandıdaty. Eńbek jolyn Ońtústik Qazaqstan oblysy Túrkistan aýdanynyń Amankeldi kolhozynda bastaǵan. Shymkent qalasynda birqatar kásipkerlik qurylymdarda qyzmet etken.  «Aýyl-sharýashylyǵyn qarjylaı qoldaý qory» AQ Ońtústik Qazaqstan fılıalynyń dırektory, Ońtústik Qazaqstan oblysy Shardara aýdanynyń ákimi, Qazaqstan Respýblıkasy Aýyl sharýashylyǵy mınıstrligi Sý resýrstary komıteti tóraǵasynyń orynbasary, Qazaqstan Respýblıkasy Óńirlik damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń basqarma basshysy, komıtet tóraǵasynyń orynbasary, «Turǵyn úı-kommýnaldyq sharýashylyǵyn janǵyrtý men damytýdyń qazaqstandyq ortalyǵy» aksıonerlik qoǵamy basqarmasy tóraǵasynyń orynbasary, «Turǵyn úı-kommýnaldyq sharýashylyǵy» damytý qorynyń basqarýshy dırektory, Sý resýrstary komıteti «Qazsýshar» RMK bas dırektorynyń orynbasary - bas ınjener bolyp eńbek etken. 2015 jylǵy jeltoqsannan bastap Ońtústik Qazaqstan oblysy turǵyn úı-kommýnaldyq sharýashylyq jáne jolaýshylar kóligi basqarmasynyń basshysy qyzmetin atqardy.

Ońtústik Qazaqstan oblysy jer qatynastary basqarmasynyń basshysy laýazymyna Sozaqbaı Isauly Ábdiqulov taǵaıyndaldy. S.Ábdiqulov 1954 jyly týǵan, bilimi joǵary, mamandyǵy ǵalym-agronom. Eńbek jolyn Shymkent oblysy Lengir aýdany «Pobeda» kolhozynyń aǵa agronomy bolyp bastaǵan. Uzaq jyldary boıy Sozaq aýdanynda partıa jáne jergilikti atqarýshy organdarda jaýapty qyzmetter atqarǵan. Oblystyq aýyl sharýashylyǵy basqarmasynyń bólim bastyǵy bolǵan. On bir jylǵa jýyq Sozaq aýdanynyń ákimi, oblystyq jer qatynastary basqarmasynyń bastyǵy qyzmetterin atqarǵan. 2015 jyldyń naýryzynan bastap Ońtústik Qazaqstan oblysy jer qatynastary jáne jerdiń paıdalanylýy men qorǵalýyn baqylaý basqarmasy basshysynyń orynbasary bolyp qyzmet etti. 

Ońtústik Qazaqstan oblysy jolaýshylar kóligi jáne avtomobıl joldary basqarmasynyń basshysy laýazymyna Nurlan Marhabatuly Baıǵut taǵaıyndaldy. N.Baıǵut 1974 jyly týǵan, bilimi joǵary, mamandyǵy ınjener-ekonomıst. Eńbek jolyn Shymkent qalalyq salyq komıtetinde bastaǵan, oblystyq komýnaldy menshikti jáne aktıvterdi basqarý departamentinde jaýapty qyzmetter atqarǵan, oblys ákiminiń bas ınspektory, Túlkibas, Tólebı aýdandary ákimderiniń orynbasary, oblystyq qurylys basqarmasynyń basshysy bolǵan. 2010 jyldyń qańtar aıynan bastap uıymdastyrý-ınspektorlyq bólimindegi oblys ákiminiń bas ınspektory bolǵan.

Almaty qalasy ákimi apparaty jetekshisiniń orynbasary Erlan Jaılaýbaı qala ákiminiń ádep jónindegi ýákili bolyp taǵaıyndaldy. E.Jaılaýbaı T. Rysqulov atyndaǵy Qazaq ekonomıkalyq ýnıversıtetiniń (ekonomıs) jáne Monterreı halyqaralyq zertteý ınstıtýtynyń (halyqaralyq menedjmentte memlekettik basqarý magıstry) túlegi. 2005-2006 jyldary memlekettik emes salada jumystar atqarǵan. 2009-2013 jyldar aralyǵynda Qazaqstan Respýblıkasy Prezıdenti Ákimshiliginde áleýmettik-ekonomıkalyq monıtorıń bóliminiń sarapshysy, ınspektory jáne konsýltanty qyzmetin atqardy. 2013 jyly Qazastan Respýblıkasy Prezıdenti Ákimshiligi Syrtqy saıasat ortalyǵynyń sektor meńgerýshisi bolyp, al 2015 jyly «Báıterek» Ulttyq basqarý holdıńi» AQ Strategıa jáne basymdy jobalar departamentiniń dırektory boldy.

Fýtboldan Qazaqstan jastar quramasynyń aǵa jattyqtyrýshysy laýazymyna Vahıd Masýdov keldi. Ol uzaq jyldar boıy elimizdiń «Qaırat», «Taraz», «Shahter», «Vostok», «Aqtóbe», «Jetisý», «Atyraý», «Ordabasy» syndy myqty fýtbol komandalarynda jattyqtyrýshy bolǵan. Tipti, bir ýaqyttary elimizdiń ulttyq quramasymen de jumys istegen edi. 

Sonymen qatar osy aptada Aqmola oblysynyń ardagerleri keńesiniń jańa tóraǵasy saılandy. Bul qoǵamdyq qyzmetke Ǵosman Tóleǵul keldi. Ǵ.Tóleǵul 1950 jyly 19 qańtarda Soltústik Qazaqstan oblysy Aıyrtaý aýdany Áljan aýylynda dúnıege kelgen. Jýrnalıs, jazýshy-aýdarmashy, qoǵam jáne mádenıet qaıratkeri. Qazaqstan Jýrnalıser odaǵynyń múshesi. Aýyl sharýashylyǵy tehnıkýmyn (1975), KazMÝ-dy (1983) bitirgen. Eńbek jolyn 1968 jyly traktor júrgizýshisi, baılanys monteri bolyp bastaǵan. M.Maǵaýınniń, D.Dosjannyń, S.Ábdirahmanovtyń, taǵy da basqa jazýshylardyń kitaptaryn orys tiline, kóptegen álem fılosoftary men saıasatkerleriniń eńbekterin qazaq tiline aýdarǵan. «Qazaq tiliniń janashyry» belgisimen, medaldarmen, QR Prezıdentiniń, Mádenıet jáne aqparat ınstıtýtynyń, Til komıtetiniń Qurmet gramotalary tárizdi birqatar memlekettik nagrada jáne medaldarmen marapattalǵan. 2004-2014 jyldar aralyǵynda Aqmola oblystyq Tilderdi damytý basqarmasynyń basshysy boldy. Qazirgi kezde zeınet demalysynda.