Almatyda Qyrǵyzstannan ákelingen kólikterge jalǵan qujat jasap, saýdalaýmen aınalysqan qylmystyq top áshkerelendi, - dep habarlaıdy «Qamshy» portaly Almaty qalalyq İİD baspasóz qyzmetine silteme jasap.
«Almaty qalasynyń eki turǵyny resmı túrde Qyrǵyz Respýblıkasynda tirkelgen kólikterdi Qazaqstanǵa arzan baǵada ákelip, oǵan jalǵan qujat jasap naryqtyq baǵada satýmen aınalysyp kelgen. Ol úshin orgtehnıkanyń kómegimen qajetti tehqujat, senimhat t.b. qujattardy 2 saǵat ishinde jasap otyrǵan. Arasynda urlanǵan kólikterge de qujat jasaǵan. Ony satyp alǵan azamat kóliktiń zańdy tirkelgenine esh kúmán keltirmegen», - dedi Medeý aýdandyq İİB polısıa bólimi basshysynyń orynbasary Dáýlet Sámbetov.
Polıseıler kúdiktilerdiń baspanasynan qylmystyq baǵytta paıdalanylǵan orgtehnıkany tapty.
Qazir olar ýaqytsha qamaý ızolátoryna jiberildi.
Alaıaqtardyń bar-joǵy 20 kólikti osylaı satqany anyqtaldy.
