Búgin Elbasy Nursultan Nazarbaev Alǵys aıtý kúnine arnalǵan is-sharaǵa qatysyp, barsha Qazaqstan halqyn merekemen quttyqtady, - dep habarlaıdy "Qamshy" portaly.

«Qadirmendi qaýym, sizderdi elimiz alǵash ret ótkizip otyrǵan Alǵys aıtý kúnimen quttyqtaımyn. Aǵymdaǵy jyldyń  14 qańtarynda men 1 naýryzdy Alǵys aıtý kúni dep belgileý týraly Jarlyqqa qol qoıdym. Bul meıramnyń tereń maǵynasy men máni bar. 1 naýryz jalpy kóktemniń birinshi kúni, bárimizge de kóńildi kún, qystan shyqqan kún. 1 naýryz san ǵasyrdan beri jalǵasyp kele jatqan izgiliktiń merekesi, Naýryz meıramy atalyp ótiletin shýaqty aıdyń basy», - dedi Elbasy.

Sonymen qatar QR Prezıdenti 1 naýryz birligimizdiń bastaýy bolǵan Qazaqstan halqy Assambleıasy, otanymyzdy kórkeıtý jolynda barlyq qazaqstandyqtardy uıymdastyryp kele jatqan saıası kúsh - «Nur Otan» partıasynyń qurylǵan kúni ekendigin atap ótti.

 «Qazaq halqyna alǵysyn bildirip jatqan árbir ult ókilderine bizde alǵysymyzdy aıtamyz. Osyndaı ulanǵaıyr jerdi, osyndaı eldi bizge mıras qylyp tapsyrǵan, qan tógip jerdi alyp qalǵan ata-babalarymyzǵa da búgin alǵysymyzdy aıtamyz», - dedi N.Nazarbaev.