Reseıde ábden synalǵan qylmystyq aıla tabysty jumys isteýde — Sverdlovsk oblysynda mashınalar Qazaqstanǵa jiberý úshin turaqty urlanýda. 2015 jyly urlyqtyń azaıǵanyna qaramastan, sıfrlar tańdanys týdyrmaı qoımaıdy, - dep jazady serke.org.

Bastysy — kóńil bólý

RF İshkiİsmıni Sverdlovsk oblysy boıynsha Qylmystyq izdestirý basqarmasy bastyǵynyń orynbasary Natıg Baıramovtyń aıtýynsha, 2014 jyly aımaqtyń aýmaǵynda 1430 urlyq tirkelgen, al 2015 jyly polısıa bólimshelerine túsken aryzdar 330-ǵa azaıyp, — 1100-ge teń bolǵan. 2016 jylǵy qańtarda 39 kólik urlyǵy tirkelgen.

Sheteldik avtomashınalardyń arasynda neǵurlym jıi urlanatyndary orta synyptaǵy avtomobılder: Hyundai Solaris, Mitsubishi Lancer, Toyota Corolla, Renault Logan…

Otandyq avtokólikter qaskúnemder arasynda sonshalyqty suranysqa ıe bolmaı otyr.

Budan buryn  uıymdasqan qylmystyq toptyń Chelábınsk oblysynan eki jyl boıy sheteldik qymbat kólikterdi qalaı jappaı urlaǵany týraly 365info.kz portaly áńgimelegen edi. Ary qaraı Qazaqstanǵa ótkizý úshin ol mashınalardyń nómirleri men VIN-kodtaryn qaıtadan oıyp jazǵan. Qylmystyq topqa Reseı Federaldyq qaýipsizdik qyzmetiniń qyzmetkeri «qamqorlyq» jasap otyrypty.

Al Sverdlovskilik urylar kólikti Qazaqstanǵa jetkizýdiń basqa amalyn taýypty.

Reseılik 66.ru saıty habarlaǵandaı, izdeý jarıalanǵan urlanǵan avtomobılderdiń Sverlovsk oblysynyń aýmaǵyna asyp, basqa aımaqtarǵa, tipti basqa elderge (máselen, Qazaqstanǵa) jetkizilýi burynǵydaı jıi kezdesetin jáıt. Tipti, GIBDD-nyń turaqty beketterindegi jáne jol boıyna ornatylǵan beınekameralardyń da kómegi bolmaı otyr.

Urlanǵan avmobılderdi shekaradan ótkizýdiń amaly

«Bul bizdiń bas aýrýymyz», — dep moıyndaıdy RF İshkiİsmıni Sverdlovsk oblysy boıynsha Qylmystyq izdestirý basqarmasy bastyǵynyń orynbasary Natıg Baıramov. Sosyn ol urylardyń jıi qoldanatyn amaldaryn tizbektep aıta bastady:

— İlespe kúzeti dep atalatyn — bul MAI qyzmetkerlerin nazaryn bóletin eki nemese úsh avtomobılder. Ádette, alda «barlaýshy-mashınalar» júrip otyrady.

Beketke jaqyndaǵan kezde, mashınanyń qujattary durys ekenin biletin júrgizýshilerdiń biri ádeıi jol júrý erejesin buzady. MAI qyzmetkeri jol erejesin buzýshylyqty rásimdegenshe, nazardan tys qalǵan ekinshi avtomashına beketten erkin ótip kete barady.

Qaskúnemder kóp rette MAI qyzmetkerleri kezekshilikten aýysatyn kezdi tańdaıdy, olar polısıa arnasyna qosylyp, tyńdap otyrady. Keıde qyzmetine adal emes MAI qyzmetkerleriniń ózderi avtourylarǵa shekaradan ótýge kómektesedi.

Natıg Baıramov mundaı jaǵdaılardyń aldyn alý úshin trassalarǵa qosymsha beınekameralar ornatýdy usynyp otyr. «Ókinishke qaraı, qazir beınekameralar jetispeıdi», — deıdi RF İshkiİsmıni Sverdlovsk oblysy boıynsha Qylmystyq izdestirý basqarmasy bastyǵynyń orynbasary.

Qazaqstandyq gastrolerler

Reseıden avtomashına urlap, artynan ony Qazaqstanǵa ótkizý — qazirgi tańda keńinen taralǵan qylmys túri. Máselen, osydan bir jarym jyl buryn reseılik polıseıler Ombyda birneshe avtourlyq jasaǵan qazaqstandyqtardy quryqtady.

32 jas 36 jas shamasy aralyǵyndaǵy birneshe Qazaqstan azamaty Ombyǵa óz mashınalarymen keledi. Olar Reseıden avtomobılder urlap, olardy Qazaqstanda satýdy josparlaıdy.

Sheteldik qymbat avtokólikti urlaǵan olar temir tulpardy bir apta Ombyda jasyryn ustap, odan keıin shekara arqyly Qazaqstanǵa asyryp otyrǵan

Urlanǵan alty avtomobıldiń jartysyn olar Qazaqstanǵa ótkizip úlgeripti, qalǵanyn polısıa qyzmetkerleri tárkilegen.

Urlanǵan avtokólikti resmı túrde satyp alýǵa bolady

«Eger siz urlanǵan kólikti satý kezinde qıyndyqqa ushyrasańyz, onda sizdiń jolyńyz týra … joq, túrmege emes! «Qylmystyq» mashınalardy satý jónindegi fransýzdyq saıtqa tartady», — degen ázildi tanymal topgir.com saıty habarlaıdy. Bul resýrstyń Voiture-volee.com degen ataýy «urlanǵan avtomobıl» dep aýdarylady. Saıt ıeleri urlanǵan avtomobılderdi olardyń kómegimen satý — naǵyz jarıa bıznestiń ózi dep sendiredi.
Resýrsty ıdeıalyq jaǵynan rýhtandyrýshylar, eger avtomobıl urlanǵannan keıin úsh jyldan artyq ýaqyt ótse, avtomobıl urlanǵan bolyp sanalmaıdy, dep málimdeıdi, óıtkeni onyń zańdy ıesi saqtandyrý kompanıasynan ótemaqysyn alyp úlgergen.

Saıttyń urany — «Urlanǵandy satyp al, arzanǵa túsedi!». Shynynda da, saıtta satylymǵa shyǵarylǵan avtomobılder baǵasy naryqtyq baǵadan 50 paıyz arzan. Resýrstyń ornalasqan jeri — Panama, sondyqtan fransýz jandarmdaryna onyń ıeleriniń, al odan da qyzyǵy, tirkelgen paıdalanýshylardyń izine túsý óte qıyn.