Qostanaı oblysynyń 100 myń gektar jeri Reseı zymyran tasyǵyshtarynyń qaldyqtaryn túsirý úshin berilýi múmkin. Kózdelgen terıtorıaǵa Torǵaıǵa qarasty alyp aýmaqtyń bir bóligi, tipti erekshe qorǵaýǵa alynǵan "Altyn dala" aımaǵy kirip ketken, - dep habarlaıdy «Qamshy» portaly 31-arnaǵa silteme jasap.

Rezervtegi aýmaqtyń kólemi 500 myń sharshy shaqyrym. 2012 jyly kıikter ósip- ónip, jaıylatyn meken retinde qurylǵan. Ázirge birde bir quzyrly mekeme arnamyzǵa resmı jaýap bergen joq. Tek  ǵalamtor betterinde jergilikti bılik ókilderi aýmaq sortań jer bolǵandyqtan berilýge daıyndalyp jatqanyn aıtqan aqparat qana bar. Al jer berý máselesi kóterilgen Qostanaı oblysy ákimdiginiń  tabıǵat resýrstary jáne tabıǵatty paıdalaný basqarmasynyń qujatyn  Feısbýk jelisiniń qoldanýshysy Jolymbet Mákish esimdi azamat jarıa etken. Aqshyǵanaq aýylynyń mańynda eki jyl buryn dál osyndaı maqsatta 40 myń gektar jer berilgen. Aıta keteıik, 2015 jyldyń 12 mamyrynan bastap elimizdiń úsh óńirinde   - Qostanaı, Aqmola, Aqtóbe oblystarynda aqbókender jappaı qyrylǵan bolatyn. Aldyn-ala boljam boıynsha, kıeli janýar sanalatyn kıikter posterellez dertinen óldi delingen bolatyn.