«Atameken» Ulttyq kásipkerler palatasy otandyq ınvestorlardy memlekettik-jeke menshik seriktestik baǵdarlamasyna belsendi qatysýǵa shaqyrdy, - dep habarlaıdy «Qamshy» portaly.

Qazaqstandyq kompanıalar memlekettik-jeke menshik seriktestik sheńberinde iske asyrý kózdelgen jobalar baǵdarlamalarynda ústem bolýy tıis. Ásirese, eger áleýmettik mańyzdy nysandar týraly sóz qozǵalǵan kezde. Búgin «Atameken» Ulttyq kásipkerler palatasynyń Tóralqa tóraǵasy Tımýr Qulybaev osyndaı pikir aıtty.

«MJS boıynsha men kásiporyndar tizimin qarap shyqtym (Astanada – red.)  – onda vokzaldar, turaqtar, mektepke deıingi balalar mekemeleri bar. Maǵan mektepke deıingi mekemeler qurylysyn júrgizýge tórt sheteldik ótinishtiń bar ekendigi qyzyq kórindi, ıaǵnı tórt qytaılyqtyń ótinishi», – dedi Tımýr Qulybaev Astana q. Kásipkerleriniń jyl saıynǵy İİİ konferensıasy barysynda.

«Qurmetti áriptester! Biz sheteldik ınvestorlardy úlken kapıtalǵa, tereń ǵylymǵa (jobalarǵa – red.) muqtaj, olardy ózderiniń bilimderin qoldana alatyn, ınvestısıalar ákeletin jerlerge ǵana shaqyraıyq. Onyń ústinen, bizde İsker áıelder keńesi bar, mektepke deıingi mekemeler qurylysyn solarǵa bereıik. Mundaı zattardy biz ózimiz de jasaı alamyz», – degen usynys jasady «Atameken» UKP Tóralqa tóraǵasy.

Astana kásipkerleri bul úndeýdi qýana qoldaıtyndyqtaryn jetkizdi.