Qytaı óndiristik qýattylyq pen jabdyqtardy shyǵarý salasyndaǵy halyqaralyq yntymaqtastyqty keńeıtedi. Bul týraly Búkilqytaı halyq ókilderi quryltaıynyń (BHÓQ) jyl saıynǵy sesıasynyń ashylýynda QHR Memlekettik keńesiniń premeri Lı Kesánniń úkimet jumysy týraly baıandamasynda málim etildi, - dep habarlaıdy «Qamshy» portaly QazAqparat – qa silteme jasap.

«Óndiristik qýattylyqtar salasynda Qytaı tıisti tetikterdi qalyptastyrýdyń negizinde Qazaqstan, Efıopıa, Brazılıa jáne basqa 14 elmen ekijaqty halyqaralyq yntymaqtastyqty qurdy», - dep atap ótiledi qujatta.

2016 jylǵa belgilengen negizgi mindetterdiń arasynda basty eldermen mańyzdy ónerkásip óndiristerine qatysty óndiristik qýattylyqtar salasyndaǵy yntymaqtastyq jobalarynyń bankin qurý atalyp ótilgen.

«Provınsıalar men avtonomdyq aýdandardyń, basty eldermen jetekshi kásiporyndardyq yntymaqtastyq tetigin quryp, jetildirý, kúrdeli qaýip-qaterlerdi basqarý tetigin jaqsartý», - delingen baıandamada.

Eldiń joǵary zań shyǵarýshy organy - Búkilqytaılyq halyq ókilderi quryltaıynyń jyl saıynǵy sesıasy Qytaıda jyldyń eń mańyzdy ishki saıası oqıǵasy bolyp esepteledi. Úkimet jumysynyń esebin tyńdaǵan 3 myńǵa jýyq depýtat el búdjetin qabyldap, eldiń 2016-2020 jyldary áleýmettik-ekonomıkalyq damýynyń vektoryn anyqtaıtyn 13-shi besjyldyqtyń jobasyn talqylaıdy.