Jalpyulttyq sosıal-demokratıalyq partıa saıasatker Petr Svoıkti partıa qatarynan shyǵarmaq, - dep habarlaıdy «Qamshy» portaly JSDP-nyń feısbýkte taratqan málimdemesine silteme jasap.

«JSDP partıalyq jıyny arqyly, Petr Svoık partıa qatarynan shyǵarylatyn bolady» delingen partıanyń áleýmettik jelide jarıalaǵan habarlamasynda. Saıasatkerdiń JSDP sapynan qandaı jolmen shyǵarylatyny týraly naqty aqparat áli jarıalanbady.

Saılaý dodasy bastalǵanda saıasatker Petr Svoık JSDP-nyń partıalyq tizimine engen bolatyn. Alaıda, onyń buǵan deıingi Reseı bastaǵan Eýrazıalyq ekonomıkalyq odaq pen RF basshysy V. Pýtınniń saıasatyn qoldaıtyn ustanymdary qoǵam músheleriniń narazylyǵyn týǵyzǵan bolatyn.

Elektorattyń narazylyǵy partıa jetekshiliginiń P. Svoıkti qatarlarynan shyǵarý týraly sheshimine sebep bolyp otyr.