Aqtaýdaǵy jastar ortalyǵynyń ǵımaratynda «Kóktem arýy-2016» baıqaýy ótti, - dep habarlaıdy «Qamshy» portaly.

Baıqaýǵa qaladaǵy joǵarǵy jáne orta bilim toǵyz mekemesinen 12 boıjetken qatysty. Jeńimpazdar sertıfıkattarmen jáne baǵaly syılyqtarmen marapattaldy.

Sharanyń uıymdastyrýshysy Ázıza Qobylanova: «baıqaýǵa qatysý - birinshi kezekte qurbylarmen dostasý, sondaı-aq paıdaly tájirıbe alý múmkindigi»,-dep esepteıdi.

«Sálemdesý» atty birinshi kezeńde baıqaýǵa qatysýshylar ózderi týraly qysqasha baıandaýy tıis boldy. «Defıle» atty ekinshi kezeńde boıjetkender qazaqsha kıim úlgisin daıyndady. «Suraqtar men jaýaptar» atty úshinshi kezeńde qatysýshylar qazaqtyń salt-dástúrleri jáne el táýelsizdigine qatysty suraqtarǵa jaýap berdi. Al «talanttar baıqaýy» atty tórtinshi kezeńde olar ózderiniń án, bı jáne aqyndyq sheberligin tanytty.

«Baıqaý qorytyndylary boıynsha birinshi oryn men «Kóktem arýy-2016» ataǵyna Mańǵystaýdaǵy óner kolejiniń stýdenti Ádemaı Ashyqbaeva laıyqty dep tanyldy. Ekinshi oryn men «Ásemdik arýy» ataǵyn Aqtaý tehnologıalyq qyzmet kórsetý kolejinde bilim alyp júrgen Jannat Qýanyshova oljalady. Úshinshi oryn men «Talantty arý» ataǵyn Esenov atyndaǵy Kaspıı memlekettik tehnologıalar jáne ınjınırıń ýnıversıtetiniń stýdenti Roza Kenjebaevaǵa berildi», - dep atap ótti Ázıza Qobylanova.