Qazaq juldyzdarynyń WhatsApp-taǵy "áńgimesi" jurtqa kúlki syılady, - dep habarlaıdy «Qamshy» portaly Tengrinews.kz – ke silteme jasap.

"Qyzyq Times" telebaǵdarlamasynyń jigitteri WhatsApp jelisinde qazaqstandyq juldyzdar ne týraly áńgimelesýi múmkin ekenin kórsetý maqsatynda ázilge qurylǵan vıdeo jasady.

"8 naýryz qarsańynda jigitterdiń barlyǵynyń kókeıinde qyzdarǵa ne syılaımyz degen suraq júredi. Bul suraq estradada júrgen azamattarymyzdy da mazalaıtyny sózsiz. Endeshe qyzdarǵa ne syılaımyz? Juldyzdarmen aqyldasyp kóreıik. Sonymen, WhatsApp jelisi, juldyzdy chat", - deıdi baǵdarlama júrgizýshileri Marat Oralǵazın men Erkebulan Myrzabek. 

Vıdeoda ánshi Búrkit qyzdardy Dýbaıǵa, bolmasa Malaızıaǵa aparýdy usynsa, Qaırat Nurtas reseılik juldyzdarmen konsert berýdi alǵa tartady, al Tóreǵalı Tóreáli óziniń hıtke aınalǵan ánin aıtyp otyrady.  

Vıdeo avtorlarynyń aıtýynsha, rolıkte aty atalǵan juldyzdar jelidegi "áńgimeni" renjimeı qabyldap, túsinistik tanytqan.