Reseılik Olımpıada chempıony Pavel Pınıgın Iakýtıada ótken erkin kúresten halyqaralyq týrnır sońyeda sýretke túsý sátinde qazaqstandyq sportshyny ıterip jiberdi, - dep habarlaıdy «Qamshy» portaly.

Bolǵan oqıǵa týraly vıdeo birqatar áleýmettik jelilerde jarıalandy.

Reseılik basylymdar «Trıýmf» sport kesheniniń jetekshisi Pavel Pınıgın qazaqstandyq sportshymen qatar turyp sýretke túsýdi namys kórdi dep jazdy.

Alaıda, Iakýtıa sport mınıstri Mıhaıl Gýláev NVPress basylymyna bergen túsiniktemesinde bolǵan jaǵdaıdy jaı ǵana sporttyq etıkany buzý dep baǵalap, P. Pınıgındi aqtap shyqqan.

«Marapattaý sátinde artyq adamdar bolmaýy kerek. Jas sportshy muny bilmegen syńaıly. Pavel Pavlovıch is-sharany basqarýshy retinde oǵan sport etıkasynyń osy talabyn túsindirdi», - dep «tápsirleıdi» Panıgınniń pańdyǵyn Iakýtıa sport mınıstri.

Panıngınniń ózi de bolǵan oqıǵa týraly bylaı dep túsinik bergen:

«Júldeler tapsyrý sátin sýretke túsirý kezinde Qazaqstan quramasynyń múshesi kadrǵa órshelene umtyla berdi. Men oǵan eskertý jasadym. Sporttyq etıkany buzǵanyn aıtyp, marapattaý rásimine aralaspaýyn suradym. Ol tyńdamady, sosyn kishkene ıterip jiberýge týra keldi».

Osylaısha, reseılikter uıymdastyrǵan sport jarysynda qonaqtardy keýdesinen ıterý oqıǵasy oryn alǵan.