Reseıdik Halyq ártisi, kompozıtor, rejıser Vladımır Nazarov RF prezıdenti Pýtınge úndeý joldady, - dep habarlaıdy «Qamshy» portaly.

Úndeýinde V. Nazarov Ýkraınanyń áskerı ushqyshy, búginde Reseıde tutqynda otyrǵan Nadejda Savchenkony bosatý týraly surady. Ózine «Halyq ártisi» ataǵyn Kremlde tabystaǵanyn Pýtınniń esine sala otyryp, rejıser ony áıeldi óltirmeýge shaqyrdy.

«Sol 2016 jyly Sizden áıeldi – Nadejda Savchenkony, bar kinási óz otany Ýkraına úshin qyzmet etken, jaýynger ofıserdi óltirmeýdi suraımyn dep oılamadym», - degen V. Nazarov Pýtınge jaýdy da syılaý kerektigin aıtady.

«Ol Sizdiń jaýyńyz bolǵanymen ol ofıser, áskerı tutqyn, onyń ózine qurmet kórsetilýine quqyǵy bar. Óıtkeni, ol óz Otany aldynda mindetin atqardy. Siz ofıserlik abyroı týraly kóp aıtasyz. Onda óz jaýyńyzdy da syılańyz. Siz eshbir sýdıa, eshbir prokýror, eshbir mılısıoner joǵarynyń, Sizdiń buıryǵyńyzsyz saýsaq ushyn qımyldatpaıtyn búgingi júıeni qurdyńyz. Siz sot júıesine qansha jerden aralaspaımyn deseńiz de tájirıbede biz kerisinshe jaǵdaıdy kórip otyrmyz», - degen óner qaıratkeri áskerı ushqysh Nadejda Savchenkony tutqynnan bosatýdy surady.

Búginde Reseıde tutqynda otyrǵan ushqyshqa memlekettik aıyptaýshy 23 jylǵa bas bostandyǵynan aıyrý jazasy men 100 myń rúbl aıyppul salýdy suraǵan edi. Búgin N. Savchenko sotta aqtyq sózin aıtýy tıis.