Taraz polıtehnıkalyq kolejiniń stýdenti Vıktor Prokopenkony izdeý sharalary bir apta boıy nátıje bermegen, - dep habarlaıdy «Qamshy» portaly.

1997 jyly týǵan, polıtehnıkalyq kolejdiń 2-kýrs stýdenti Vıktor Prokopenko 2 naýryz kúni kolejge ketip, qaıtyp oralmaǵan. Sońǵy ret ony sol kúni sabaqtan soń oqý ǵımaratynyń aldyndaǵy oryndyqta otyrǵanyn kórgender bar.

Vıktordyń ákesi Petr Prokopenko ulynyń bir jerde jumys istep júrýi de múmkin ekenin aıtady.

«Polısıa, eriktiler, barlyǵy izdep jatyr. Ázirge esh nátıje joq. Sońǵy ýaqytta ulymnyń sabaǵy nasharlap ketken edi. Shákirtaqydan aıryldy. Múmkin, ol bir jerde jumys istep júrgen bolar... Tipti, ne oılarymdy bilmeımin», - deıdi ol.

Sondaı-aq, Vıktordyń sabaqqa keterdi qalta telefonyn úıine qaldyryp, ózimen tek sım-kartasyn alyp ketkeni, joǵalǵanǵa deıin onyń Vkontakte jáne Ýotsapp jelisindegi akkaýnttaryn óshirip tastaǵany belgili bolyp otyr.