Ál-Farabı atyndaǵy Qazaq ulttyq ýnıversıtetindebelgili jýrnalıs,   «Central Asia Monitor» gazetiniń bas redaktory Bıgeldi Ǵabdýllınmen kezdesý ótti, - dep habarlaıdy «Qamshy» portaly.

Kezdesý kezekten tys saılaý naýqanyna oraı uıymdastyryldy. İs-shara barysynda Almaty qalasy, Bostandyq aýdany №21 saılaý okrýgi boıynsha máslıhat depýtattyǵyna úmitker «Nur Otan» HDP ókili Bıgeldi Qaıyrdosuly stýdentter men oqytýshy-professorlyq quramdy óziniń saılaý aldy baǵdarlamasymen tanystyrdy.

«Keleshegimizdiń kelbetti, bolashaǵymyzdyń baıandy bolýy búgingi jastarǵa tikeleı baılanysty. Óıtkeni olar – erteńimizdi jasaıtyn búginimiz», – degen edi el Prezıdenti Nursultan Ábishuly. Baıandy bolashaq, eń aldymen, kishkene áleýmettik máselelerdi sheshýden bastaý alady. «Qazir turǵyn úı aýlalary túgeldeı kólikke toly. Bostandyq aýdanynyń keı aımaqtarynda áli kúnge deıin aýyz sý men kóshelerdi jaryqtandyrýmáselesi ózekti bolyp tur. Meniń baǵdarlamamda eshqandaıda saıası maqsat joq. Meniń maqsatym – bolashaq urpaqtyń qamy, – dedi, endi tek kórgenin aıtatyn alpysty alqymdaǵan azamat, – Men endi ómirlik tájirıbeme, jýrnalısik kásibı qyzmetime súıenip, el ıgiligi úshin qyzmet etemin».

Sondaı-aq, kezdesý barysynda kóp qabatty kólik turaqtaryn salý máselesi de sóz boldy. Bıgeldi Ǵabdýllın jınalǵan qaýymnyń birqatar suraqtaryna jaýap berip, jastardy saılaýǵa belsendi qatysýǵa shaqyrdy.