Feısbýk áleýmettik jelisinde Álı Ahmat degen atpen ashylǵan akkaýnt ıesi Georgıı lentasyn taǵyp túsken sýretin jarıalap, ol jeli paıdalanýshylardyń narazylyǵyn týǵyzdy, - dep habarlaıdy «Qamshy» portaly.

Reseıshil separatısterdiń sımvoly «Georgıı lentasyn» taqqan azamat anaý-mynaý emes polkovnık shenindegi áskerı eken. Lentany da jazdyq úlgidegi áskerı jeıdeniń keýdesine taǵyp alǵan.

Akkaýnt ıesi jeli qoldanýshylarynyń eskertpeleri men jat pıǵyldy nasıhattaýshylardyń sımvolyn alyp tastaý týraly ótinishterine qulaq aspaı, ózderine tap bergen. Osyǵan baılanysty Sáken Baıkenov esimdi Feısbýk qoldanýshysy bastaǵan bir top belsendi dabyl qaǵyp, elimizdegi qarýly qurylymdardyń barlyǵyna atalǵan áskerı qyzmetshiniń óreske áreketi týraly hat joldaǵan. Ázirge Saparbektiń suraýyna Qorǵanys mınıstrligi ǵana qulaq asyp, resmı jaýap qaıtarǵan. Mınıstrlik áleýmettik jeli arqyly atalǵan azamattyń tolyq aty-jónin jarıalap, onyń Qorǵanys mınıstrligi bólinisteriniń áskerı qyzmetshisi emestigin, QR UQK-ge qarasty Shekara qyzmetiniń ofıseri ekendigin aıtqan. Jeli qoldanýshylarynyń bul shaǵymy da Georgıı lentasyn taqqan ofıserdiń shamyna tıip, jeli arqyly biraz balaǵat sózder aıtqan.

Atalǵan kıkiljińnen soń polkovnık áskerı shenindegi Áljan Ahmatýllın esimdi (QR QM áskerı qyzmetshiniń aty-jóni osyndaı dep otyr – red.) áskerı qyzmetshi Álı Ahmat dep atalatyn akkaýntyndaǵy málimetterdiń birazyn, onyń ishinde atyshýly sýretin de óshirip tastaǵan. Soǵan qaraǵanda, Reseı tarıhyn «jaqsy biletin» polkovnıkpen UQK Áskerı qarsy barlaý qurylymdarynyń qyzmetkerleri «áńgimelesý» júrgizgen sekildi.

Al, jeli qoldanýshylary sımvol sergeldeńine sebep bolǵan polkovnıktiń isin aıaqsyz qaldyrmaıtynyn, tıisti oryndarǵa áli de shaǵymdanatyndaryn aıtyp otyr.