Qazaqstanda oralmandar men qonys aýdarýshylardy qabyldaýdyń óńirlik kvotasyn engizý qaǵıdalary bekitildi, - dep habarlaıdy «Qamshy» portaly.

Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy

2016 jylǵy 15 qańtar №20 Astana qalasy

Oralmandar men qonys aýdarýshylardy qabyldaýdyń óńirlik kvotasyna engizý qaǵıdalaryn bekitý týraly 

«Halyqtyń kóshi-qony týraly» 2011 jylǵy 22 shildedegi Qazaqstan Respýblıkasy Zańynyń 11-baby 4-5) tarmaqshasyna sáıkes buıyramyn:

1. Mynalar:

1) osy buıryqqa 1-qosymshaǵa sáıkes Oralmandardy qabyldaýdyń óńirlik kvotasyna engizý qaǵıdalary (budan ári - Qaǵıdalar);

2) osy buıryqqa 2-qosymshaǵa sáıkes Qonys aýdarýshylardy qabyldaýdyń óńirlik kvotasyna engizý qaǵıdalary bekitilsin.

2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek, áleýmettik qorǵaý jáne kóshi-qon komıteti:

1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;

2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» quqyqtyq-aqparattyq júıesinde, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna resmı jarıalaýǵa jiberýdi;

3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet- resýrsynda ornalastyrýdy;

4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.

3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri B.B. Nurymbetovke júktelsin.

 4. Osy buıryq alǵashqy resmı jarıalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Densaýlyq saqtaý jáne áleýmettik damý mınıstriniń mindetin atqarýshy B.NURYMBETOV.

KELİSİLDİ 
Qazaqstan Respýblıkasynyń Investısıalar jáne damý mınıstriniń mindetin atqarýshy ___________________J.QASYMBEK

2016 jylǵy 28 qańtar

KELİSİLDİ Qazaqstan Respýblıkasynyń Syrtqy ister mınıstri ___________________E.YDYRYSOV 2016 jylǵy «___»______________

 Qazaqstan Respýblıkasy Densaýlyq saqtaý jáne áleýmettik damý mınıstriniń mindetin atqarýshynyń 2016 jylǵy 15 qańtardaǵy №20 buıryǵyna sáıkes  Oralmandardy qabyldaýdyń óńirlik kvotasyna engizý qaǵıdalary resmı baspasózde jarıalandy.