Jalpyulttyq sosıal-demokratıalyq partıa jetekshisi Jarmahan Tuıaqbaı partıanyń aldaǵy saılaýǵa boıkot jarıalaýy múmkin ekenin málimdedi, - dep habarlaıdy «Qamshy» portaly informburo.kz-ke silteme jasap.

«Biz barlyq nusqalardy qarastyryp jatyrmyz. Ázirge naqty sheshim qabyldamadyq. Tek oılanyp jatyrmyz», - degen Jarmahan Tuıaqbaı.

Partıanyń almatylyq fılıalyndaǵylar da mundaı sheshimniń kún tártibinde joq emestigin aıtqan.

«Qazir boıkot jarıalaý múmkindigin talqylaýdamyz. Buǵan deıin bizdiń saıtta bılik tarapynan saılaýdyń ádil de jarıa ótýine múmkindik bermeıtin ádiletsiz qadamdar jasalyp otyrǵany jarıalanǵan bolatyn. Partıanyń keıbir músheleri saılaý aldy dodadan shyǵýdy, boıkot jarıalap, sol baǵytta úgit júrgizýdi usynýda. Iaǵnı, áli talqylaý ústindemiz. Biz sıez kezinde-aq, boıkot jarıalaý múmkindigimizdi aıtqan bolatynbyz. Sol sát kelgen sıaqty. Qazir konferensıa ótkizý týraly bastama kóterildi. Búgin-erteń óńirlerdegi ókilder, taǵy basqa ókildermen osy máseleni talqylaımyz», - degen JSDP Almaty fılıalynyń jetekshisi Tazabek Sámbetbaı.

Esterińizge salsaq, JSDP partıalyq tizimin Ortalyq saılaý komısıasyna 7 aqpanda usynǵan bolatyn. Partıalyq tizimdi Jarmahan Tuıaqbaı, Aıdar Álibaev, Petr Svoık, Baltash Tursymbaev, Záýresh Battalova syndy saıasatkerler bastap tur.

Buǵan deıin, partıa músheleri saıasatker P. Svoıkti JSDP qatarynan shyǵarý týraly bastama kótergen edi.