Eks-premer Serik Ahmetov jáne taǵy 12 aıyptalýshynyń apelásıalyq shaǵymyn qaraǵan Qaraǵandy oblystyq apelásıalyq alqasy qaýly shyǵardy, - dep habarlaıdy «Qamshy» portaly.

Sot qaýlysyn Qaraǵandy oblystyq soty apelásıalyq alqasynyń tóraǵasy Rashıd Nurmaǵambetov oqydy.

Sot Serik Ahmetovtyń jazasyn 10 jyldan 8 jylǵa, Qaraǵandy oblysynyń burynǵy ákimi Baýyrjan Ábdishevtiń jazasyn 5 jyldan 3 jylǵa qysqartý týraly qaýly qabyldady. Sondaı-aq, Baýyrjan Ábdishevtiń orynbasary bolǵan Ǵabıt Muhambetovtyń, Qaraǵandy qalasy ákiminiń burynǵy orynbasary Aıdar Telǵarınniń, «Saryarqa» ÁKK burynǵy departament basshysy Erlan Qısyqovtyń jazasynan múlkin tárkileý týraly talap alynyp tastaldy. «QazAgro» AQ burynǵy basshysy Dýlat Aıtjanov pen Qaraǵandy oblysy ákiminiń burynǵy orynbasary Ǵabıt Muhambetovtyń jazasy shartty merzimge aýystyryldy.

Sot qaýlysy jarıa etilgen sátten bastap kúshine enedi.

Esterińizge salsaq, ótken jyldyń jeltoqsan aıynda Serik Ahmetovpen birge 20 laýazymdy tulǵa jemqorlyq qylmysqa qatysty aıyptalyp, sot úkimi shyqqan bolatyn. Onda Qaraǵandy oblysynyń burynǵy ákimi B. Ábdishevti 5 jylǵa, Qaraǵandy qalasynyń burynǵy ákimi Meıram Smaǵulovty 3 jylǵa, qalǵan sheneýnikterdi 3-ten 7 jylǵa deıin bas bostandyǵynan aıyrý týraly úkim shyqqan bolatyn. 10 naýryz kúni atalǵan azamattardyń apelásıalyq shaǵymyn qaraý bastalǵan edi.

Apelásıalyq shaǵym qaralǵanǵa deıin S. Ahmetovtyń týystary men dostary 2,2 mlrd teńge kóleminde keltirilgen shyǵyndy qazynaǵa qaıtarǵan bolatyn.

Vıdeo Informburo.kz saıtynan alyndy.