Pavlodar oblysynda jumys saparymen júrgen Elbasy «B.B.NURA» JSHS-ǵa tıesili nefrologıa jáne efferentti terapıa ortalyǵynda boldy, - dep habarlaıdy «Qamshy» portaly Aqordanyń baspasóz qyzmetine silteme jasap.

Densaýlyq saqtaý mekemesine bas suqqan N. Nazarbaev  ortalyqtyń materıaldyq-tehnıkalyq bazasymen tanysyp, mamandarymen kezdesti. Elbasy kezdesýde halyq ómirin jaqsartýda densaýlyq saqtaý salasynyń mańyzy týraly aıtty.

«Osy ýaqytqa deıin el aýmaǵynda 1300 densaýlyqsaqtaý nysany salyndy. Osynyń arqasynda 10 jyl ishinde adamdardyń ortasha ómir jasy 72 jasqa deıin ulǵaıdy. Daǵdarysqa qaramastan biz 1 qańtardan bastap medısına qyzmetkerleriniń eńbekaqysyn 28 paıyzǵa ósirdik», - degen Elbasy dárigerler qaýymy týraly kúldirgi áńgime aıtýdy da umytpady.

«Myna ortalyq memlekettik-jeke menshik áriptestigi aıasynda salynǵany maǵan unap otyr. Mundaı ortalyqtar eldiń barlyq aımaqtarynda bolýy tıis. Sizder dárigerlerdiń úsh túri bolatynyn bilesizder me? Dárigerler «Qudaı bergen», «Qudaıǵa qaraǵan» jáne «Qudaı saqtasyn» degen úsh túrge bólinedi. Paavlodarda sol naǵyz «Qudaı bergen» dárigerler jumys isteıdi», - dedi Elbasy.

Dárigerler bolsa, óz kezekterinde Nursultan Ábishulyna densaýlyqsaqtaý salasyna túsinistikpen qaraǵany úshin rızashylyqtaryn bildirdi.