Ulttyq ǵylym akademıasynyń akademıgi Ǵarıfolla Esim jańa Bilim jáne ǵylym mınıstrine elimizdegi oqý oryndarynyń oqýshylaryna 14-22 naýryz aralyǵynda demalys jarıalaý týraly usynys jasady, - dep habarlaıdy «Qamshy» portaly.

«14-22 naýryz aralyǵyn «Naýryz demalystary» dep jarıalaýdy usynamyn», - deıdi Ǵarıfolla Esim.

Ǵalymnyń aıtýynsha, kún men tún teńelgen tusta oqýshylar men stýdentterdiń jas aǵzasy demalysty qajet etedi eken.

«22 naýryzdan bastap jaryq kóbeıedi, túngi ýaqyt qysqarady. Soǵan saı biz de aǵzany daıyndaýymyz kerek. Osy ýaqytta ásirese, jasóspirimder úshin tynyǵý kerek, beıimdelý ýaqyty qajet. Buǵan «Naýryz demalystary» ońtaıly bolar edi», - deıdi ǵalym.

«Bul týraly men maqalalarymda birneshe ret jazǵanmyn. Byltyrdan beri aıtyp kelemiz. Bizdiń jańa bilim jáne ǵylym mınıstrimiz osy týraly jaqsylap oılanyp, kelesi jyldan bastap demalys jarıalasa bolady. Oqý baǵdarlamalaryn sáıkestendirý asa qıyn jumys emes deıdi», - Ǵarıfolla Esim myrza.