Keshe Astanada «Qazaq arýy-2016» baıqaýy máresine jetti. Qazylar alqasynyń sheshimimen bas júldeni atyraýlyq Almıra Ahatova ıelendi, - dep habarlaıdy «Qamshy» portaly 24.kz – ke silteme jasap.
Ol Astanadaǵy medısınalyq ýnıversıtettiń İİİ kýrs stýdenti. Jalpy, baıqaýǵa 21 úmitker qatysyp, baq synaǵan edi. Úmitkerlerge qoıylǵan basty talap ana tili men tarıhyn jetik bilýi bolatyn.
Sondaı-aq syrtqy sulýlyq pen ishki ádemiliktiń úılesimdiligi de negizgi qaǵıdanyń biri. Jalpy, bastapqyda baıqaýǵa 600-ge jýyq arý qatysýǵa nıet bildirgen.
Saıystyń tolyq nusqasyn kórermender «Habar» arnasynan naýryzdyń 22-si kúni saǵat 21:30-da tamashalaı alady.
Pikir qaldyrý