Orta mektep túlekteri Ulttyq birińǵaı testileýdi eki qaıtara tapsyrýǵa múmkindik alady. Tek ekinshi joly synaqty aqyly negizde tapsyrady, - dep habarlaıdy «Qamshy» portaly Bilim jáne ǵylym mınıstrligi taratqan habarlama negizinde.

«UBT túlekter úshin taǵdyr sheshti oqıǵa ekenin jaqsy túsinemiz. Osy synaq nátıjesinde bireýler tek oqýǵa túsip qana qoımaıdy, Altyn belgi, memlekettik bilim granty ıegeri atanady. Onyń ústine synaq tapsyraý ortalyǵy bir túlektiń úıiniń janynda bolsa, endi bir talapkerler 200 shaqyrym jerden arnaıy kelip, test tapsyrady. Sondyqtan, jastarǵa ekinshi múmkindik usynylýy kerek», - deıdi mınıstr Erlan Saǵadıev.

Esterińizge salsaq, ótken jyly UBT tapsyra almaǵan mektep túlekteriniń sany 46 myń shamasynda bolǵan. Bul kórsetkish jyl saıyn ósý baǵytynda ózgerip otyrǵanyn aıta ketý kerek. Sóıtip, jyl saıyn 100 myńǵa jýyq mektep túlegi joǵary oqý ornyna túsý múmkindiginen aırylýda.