Búgin aqparat quraldary «Qazaqstanda pedofılder pishtiriletin boldy» degen taqyryppen aqparat taratýda. Áriptester birshama asyǵystyq tanytqan sıaqty. Durysy Parlamenttiń joǵary palatasy plenarlyq otyrysynda Ákimshilik quqyqbuzýshylyq, qylmystyq kodeks syndy birqatar zańnamalarǵa pedofılderdi jazalaý jóninde ózgerister men tolyqtyrýlar engizý týraly zań jobasyn qarap, maquldady.

Biraq, «pishtirý» degeni siz oılaǵandaı emes. Hımıalyq jolmen medısına qyzmetkerleri júzege asyratyn bir rettik, ýaqytsha shara. Odan eshkim birjola «sondaı» bop qalmaıtynyn senator Birǵanym Áıtimova da túsinlirip beripti.

"Hımıalyq kastrasıa - bul ýaqytsha nárse, ol adamǵa jynystyq zorlyq jóninde eskertý jasaý úshin qajet. Sonymen qatar, bul bir rettik ıneksıa. Bul degenimiz ıneksıa jasaldy, endi ol ómir boıy sondaı bolyp qalady degendi bildirmeıdi. Múlde olaı emes. Bul medısınalyq uıymdardyń sot sheshimi shyqqan jaǵdaıda ǵana júzege asady. Ózgeris talqylandy, eger biz osylaısha tym bolmasa bir balanyń ómirin saqtap qalsaq, ony isteýge bolady dep oılaımyn. Bul degenińiz qalypty jaǵdaı emes, olar psıhıkalyq aýrýǵa shaldyqqandar nemese ózge de aýytqýshylyǵy barlar degen sóz. Balalardy qorǵaý úshin bárin jasaýymyz kerek. Bul jetim balalarǵa ǵana qatysty emes, bul elimizdiń barlyq balalaryna qatysty. Álemde mundaı tájirıbe bar jáne biz de munymen kúresýge tıispiz", - deıdi Birǵanym Áıtimova.

Bizdiń aıtpaǵymyz basqa. Adamdyqtan alshaq áreketke barǵan aıýan qandaı jazaǵa tartylsa da obaly joq. Tipti, mundaı qylmyskerlerdi ólim jazasyna kesip jatsa da qarsylyq tanytpas eshkim. Másele, sondaı qylmystarǵa sebep bolatyn jaǵdaılar tolyq zertteldi me? Pedofılder psıhologıasyna úńilip, olardyń qandaı sebeptermen jas balalarǵa qol salýǵa baratynyn zerttegender bar ma? Mine, osy aıtpaǵymyz.

Pedfoılderge qatysty kastrasıa sharasyn qoldanýdy usynǵan prokýror myrzalar osy máseleniń sebebine birshama úńilip, buǵan balalaryn ashyq-shashyq kıindiretin ata-analardyń da, mektep oqýshylarynyń, ásirese, joǵary synyp oqýshylarynyń júris-turysyna tolyq baqylaý jasamaıtyn oqý oryndarynyń da kinási bar degendeı oı aıtypty. Buǵan da nazar aýdarý kerek sıaqty shynymen...

Qadyr Bek