«Aldaraspan» ázil-syqaq teatrynyń aktrısasy Gúljanar Sazanbaıqyzy dúnıeden ozdy, - dep habarlaıdy «Qamshy» portaly Baistars.kz-ke silteme jasap. Aktrısa aýyr naýqastan kóz jumǵan.

"Búgin Ońtústik shoq juldyzy, ónerli de, talantty qyzy Gúljanardan aırylyp qaldy. Qansha madaqtasaq ta jarasatyn, aqyldy da parasatty Gúljanarymyz bıyl turmysqa shyǵyp, ana bolýǵa daıyndalyp júrgen edi. Biraq sum ajal ony aramyzdan alyp ketti. Bárimizge de aýyr tıdi bul qaza, janyń jannatta bolsyn deýden basqa amalymyz joq" - dep jazdy aktrısanyń áriptesi Aınur Aqbaeva Feısbýktegi jeke paraqshasynda.

Gúljanar Sazanbaıqyzy "Aldaraspan" teatrynyń negizin Nurjan Tólendıevpen birge qalaǵan. OQO ázil-syqaq jáne satıra teatrynda da qoltańbasyn qaldyryp úlgerdi. Sonymen qatar, birneshe televızıalyq jobalarǵa túsip, "Shanshar" , "Shymkent-shoý" ázil-syqaq teatrlarynda da óner kórsetti. Oralhan Bókeı atyndaǵy kórkem sóz oqý baıqaýynyń bas júlde ıegeri. Oblystyq Qazaqstan-SHymkent telearnasynda birneshe jyl telejúrgizýshi bolyp qyzmet atqardy.

Aktrısanyń týǵan-týystaryna qaıǵyryp kóńil aıtamyz.