Túrkistandaǵy jyndyhanaǵa ómir boıyna toǵytylǵan Marjan Turlybaevaǵa qatysty jańa saraptama onyń aqyl-esi durys ekenin rastaǵan, - dep habarlaıdy «Qamshy» portaly NUR.KZ-ke silteme jasap.

Onda qarshadaı qyzdyń boıynda buǵan deıin taǵaıyndalyp kelgen shızofrenıa syrqatynyń jeńil túriniń belgileri bolmaı shyqqan jáne onyń qoǵamǵa eshqandaı qaýpi joq ekeni de anyqtalǵan.

Bul týraly shymkenttik jýrnalıs Gúljan Baınazarova saıttyń aımaqtaǵy tilshisine bergen eksklúzıvti suhbatynda aıtyp bergen.

Aıta keteıik, Gúljan Baınazarova Marjan Turlybaevaǵa qatysty máseleni alǵash ret kóterip, odan keıin bul jaıt qoǵam arasynda qyzý talqyǵa salynǵan edi.

«Segiz jyl boıy esi aýysqan dep jyndyhanada májbúrli túrde ustaǵan Marjanǵa respýblıkalyq sot medısınalyq sarapshylary oń nátıje berdi. Kúngeılik dárigerlerdiń qoıǵan dıagnozy joqqa shyǵarylyp, shızofrenıanyń jaı túri anyqtalmaǵan. Qorytyndy boıynsha Marjanyń qoǵamǵa qaýipti emestigi anyqtaldy. Qaıta jyndyhanadan shyǵyp, kópshilikpen birdeı ómir súrýge quqyly» - dedi jýrnalıs.

Jýrnalısiń aıtýynsha, saraptama qorytyndysy 24 aqpanda shyqqan. Alaıda Marjan áli kúnge deıin jyndyhanadan shyǵarylmapty. Sebebi, jaýaptylar bir-birine siltep júrgenge usqaıdy.

«Saraptama qorytyndysy 24 aqpanda shyqty. Sodan beri barlyǵyna habarlastym. Oblystyq jumyspen qamtý jáne áleýmettik baǵdarlamalar basqarmasynyń basshysy eshqandaı habar kelgen joq dedi. Tergeýshi Túrkistandaǵy mekemege jibergenin aıtady. Túrkistanǵa baryp, dırektordan surasam, saraptama qorytyndysyn alǵanyn rastady. Biraq, Marjan áli shyqqan joq. Basqarma quzyrly mekemege silteıdi, quzyrly mekeme basqarma shyǵarýy kerek deıdi. Qysqasy, bári bir-birine silteıdi», - dep atap ótti jýrnalıs.

«Sodan kimge bararymdy bilmeı áleýmettik jelidegi paraqshamda elden súıinshi surap, jaǵymdy jańalyqpen bólistim» - dedi ol.

«Respýblıkalyq sarapshylardyń bergen qorytyndysyna ońtústiktiń dárigerleri moıynsunǵysy kelmeıdi, óıtkeni segiz jyl burynǵy bylyqtarynyń ashylyp qalatynynan qorqady. Bul súıinshi habardy ekran arqyly suramaq bolǵanymyzda, jaýaptylar bir-birine siltep, bastaryn alyp qashty. Aqyry aıttym ǵoı.... súıinshi habardy halyqqa jetkizgisi kelmeıtinderdiń qatarynda OQO jumyspen qamtý jáne áleýmettik baǵdarlamalar basqarmasyna qarasty mekemelerdiń barlyǵy bar... Qazaqtyń órimdeı qyzyna jańa ómir syılaıtynyma da senimdimin. Al halaıyq, Marjan qyzdaryńyzdyń deni saý! Endigi armany jyndyhana qabyrǵasynan bosap shyǵyp, el qatarly ómir súrý. Sot saraptamasyndaǵy qorytyndy júzege asatyn kún jaqyn», -  dep oıymen bólisti Baınazarova.