Shyǵys Qazaqstan oblysynda Qazaqstan Respýblıkasy Táýelsizdiginiń 25 jyldyǵyna oraı mektep oqýshylary arasynda shaıbaly hokeıden «Juldyzsha» İİİ oblystyq týrnıri bastaldy, - dep habarlaıdy «Qamshy» portaly oblys ákimdiginiń baspasóz qyzmetine silteme jasap.

Aımaqtyń árbir aýdan-qalalarynan kelgen 16 komanda naýryzdyń 23-ine deıin baq synap, respýblıkalyq saıysta oblys namysyn qorǵaıtyn komanda anyqtalady.

Birinshi bolyp muz alańyna shyqqan Óskemen jáne Semeı qalalary arasyndaǵy oıyndy oblys ákimi Danıal Ahmetov tamashalady.

Oblys turǵyndaryna salaýatty ómir men hokeı oıynyn nasıhattaǵan Shyǵys Qazaqstan oblysy ákiminiń orynbasary Jaqsylyq Omar hokeı alańyna kónkımen shyqty. Týrnırde birinshi oıyndy ótkizgeıi turǵan eki komanda kapıtandaryna dástúrli túrde shaıbany tastap, «Juldyzsha» maýsymyn bastady.

– Bizdiń aımaq Qazaqstandyq hokeıdiń otany. Dál osy muz aıdynynda baǵyn synap, jattyǵyp, oblystyń keıin elimizdiń namysyn qorǵaǵan birneshe hokeıshiler shyqqan. Sondyqtan sizderge de búgingi týrnırde jeńis pen sáttilik tileımin, – deıdi Jaqsylyq Omar myrza.

          Jalpy sany 16 komanda qatysyp otyrǵan «Juldyzsha» týrnıri naýryzdyń 23-ine deıin jalǵasady. Artynsha taǵy «Torpedo kýbogy» týrnıri ótip, jeńiske jetken komanda respýblıkalyq chempıonatta oblys namysyn qorǵaýǵa joldama alady.