Búgin «Aq jol» partıasynyń jetekshisi Azat Perýashev Májilis saılaýyna aıqyn daýyspen jeńiske jetken «Nur Otan» partıasynyń jetekshisi, Ult kóshbasshysy Nurusltan Nazarbaevty partıa jeńisimen quttyqtady. Ol óz partıasynyń aldyńǵy saılaý nátıjesinen az daýys jınaǵanyn, alaıda, barǵa qanaǵat tutatynyn aıtty, - dep habarlaıdy «Qamshy» portaly.

«Bizge shamamen jeti oryn berilýi múmkin. Ortalyq saılaý komısıasy bizge qansha beriletinin jarıalaýy kerek, sony kóremiz. Prosentterge qarasaq 0,2 paıyzǵa tómendeý baıqalady. Biraq, ol qorqynyshty emes. Bıznesti qoldaý máseleleri turaqtylyq pen tynyshtyqtan keıin, ekinshi orynda turady», - dep málimdegen A. Perýashev myrza.

Osylaısha, jyldaǵy dástúrmen «Aq jol» jetekshisi bardy qanaǵat tutyp, «Nur Otannyń» jeńisin moıyndady. Endigi másele, «aqjoldyqtardyń» bılik kesip bergen oryndy ózara qalaı bóliske salatynynda. Osy jerde biraz qyzyq bolǵaly tur. Partıa saılaý aldynda 35 adamnan turatyn úmitkerler tizimin usynǵan. Aldyńǵy shaqyrylymdaǵy Májilis depýtaty bolǵan A. Perýashevtiń ózi men N. Jazylbekov, S. Qadyrálıeva, A. Turtaev syndy saıasatkerler alfavıttik ret boıynsha tizimniń tómengi jaǵynda tur. Tizimdi osy retpen (alfavıttik tártippen) bastap turǵan jeti úmitkerdiń bireýi ǵana (Azamat Ábiltaev) ótken shaqyrylym depýtaty bolǵan kandıdat, qalǵan altaýy – eldiń ár oblysyndaǵy kásiporyn basshylary men bıznesmender. Osy joly ıntellıgensıa atynan partıa tizimine engen aqyn, jýrnalıs Qazybek Isa tizimde 16-orynda, partıanyń qurylǵan sátinen bastap, ortalyq organdarynda qyzmet atqaryp kelgen tanymal saıasatker Bórihan Nurmuhamedov 27-orynda. Demek, eger partıa tizimdegilerdiń ornyn qozǵaltpaı, alfavıttik tártippen úmitkerlerin Májiliske attandyrsa, el tanymaıtyn, esimderi tek bıznes salasyna ǵana málim úmitkerler ótip ketpek. Bul partıa ishilik kelispeýshilik pen jasyryn tartystar týǵyzbaıdy dep aıta almaısyz. Olaı deıtinimiz, aldyńǵy saılaý kezinde «Aq joldyń» partıalyq tizimine Ibragım Isa, Israıl Saparbaı syndy aqyndar, ǵalym, eks-depýtat Amangeldi Aıtaly engenimen, saılaý nátıjesi shyqqanda parlamentke ótpeı qalǵan. Sol kezde atalǵan aqyndardyń ózderi renishterin ashyq bildirmegenimen, bylaıǵy qoldaýshylary partıa basshylyǵyna narazylyqtaryn tanytpaı qoımady. Bul joly qalaı bolar eken? Ol týraly partıa basshylyǵy ázirge ashyp eshteńe aıtpaı otyr. Az kúnde ol da belgili bolar.

«Aq jol» partıasynan Májilis saılaýyna usynylǵan úmitkerlerdiń tolyq tizimi:

Azamat Ábiltaev – Ú shaqyrylymdaǵy Májilis depýtaty;

Keńes Absatırov – kásipkerler palatasy Oral óńirlik ókildiginiń basshysy;

Qaırat Aıtbaı – «Taraz metalýrgıa zaýyty» basqarma tóraǵasynyń orynbasary;

Rýslan Arynǵazın – Pavlodar qubyr prokat zaýytynyń basshysy;

Áset Atabaev - Odyssey Investments Group zań departamentiniń dırektory, Astana.

Erlan Barlybaev – partıa tóraǵasynyń orynbasary, «Ekıbastýzelektroset» AQ dırektorlar keńesiniń tóraǵasy;

Dmıtrıı Vasılev – partıanyń almaty fılıalynyń tóraǵasy, «Kazavtobýsprom» AQ basshysy;

Janar Jandosova - dırektor ıssledovatelskogo sentra «Sandj» zertteý ortalyǵynyń dırektory, «Transparency-Kazahstan» jemqorlyqqa qarsy agenttiginiń negizin qalaýshy;

Jańbyrbaı Dospaev - Mańǵystaý oblysy kásipkerler palatasynyń tóraǵasy, «Sýltan» JSHS dırektory.

Berik Dúısembınov – partıa ortalyq keńesiniń hatshysy;

Talgat Erǵalıev – Ú shaqyrylymdaǵy Májilis depýtaty;

 Serik Erýbaev - «Atyraý construction services» JSHS dırektory.

Danıa Espaeva - «Kazkommersbank» Aqtóbe oblystyq fılıalynyń basshysy;

Nurlan Jazylbekov - Ú shaqyrylymdaǵy Májilis depýtaty;

Mahabbat Jýtaev – partıanyń Qostanaı oblystyq fılıaly tóraǵasy, kásipker;

Qazybek Isa – partıa tóraǵasynyń orynbasary, «Qazaq úni» gazetiniń prezıdenti;

Svetlana Qadyrálıeva - Ú shaqyrylymdaǵy Májilis depýtaty;

Merýert Kazbekova - Ú shaqyrylymdaǵy Májilis depýtaty;

Qaıyrbek Kemeńger – L. Gýmılev atyndaǵy EUÝ kafedra meńgerýshisi;

Evgenıı Kınsel - «Zakon ı pravo» JSHs dırektory;

Azız Qojambetov – kásipker, Qyzylorda;

Andreı Lınnık - «Forpos» BK bas dırektory;

Hadjımýrat Lánov - «Tórt qudyq» JSHS basshysy, Qostanaı;

Lılıa Mergalıeva - profesor, M. Ótemisuly atyndaǵy BQMÝ kafedra meńgerýshisi;

Bolat Momyshev- «Fabrıka POSH» JSHS dırektory, partıanyń Jambyl oblystyq fılıalynyń tóraǵasy;

Ekaterına Nıkıtınskaıa – FINAKSA qaýymdastyǵynyń tóraǵasy;

Bórihan Nurmuhamedov – Ulttyq zertteýler ınstıtýtynyń dırektory, Almaty;

Anarbek Orman - «Vodnye resýrsy-Marketıng» JSHS prezıdenti, partıanyń OQO fılıalynyń tóraǵasy;

Azat Perýashev – partıa tóraǵasy;

Maqsat Ramanqulov – «Mabex» JSHS bas dırektory, Astana;

Askar Smaǵulov – partıanyń Astana fılıalynyń tóraǵasy;

Abdrazah Sýltanov – partıanyń ortalyq apparat hatshysy;

Serikbaı Tashenov - «BI-group» JSH joba jetekshisi, Astana;

Oljas Toqtarov - «Astana» banki dırektorlar keńesiniń tóraǵasy;

Almas Turtaev - Ú shaqyrylymdaǵy Májilis depýtaty;