M.Áýezov atyndaǵy Qazaq memlekettik akademıalyq drama teatrynda 24-27 naýryz aralyǵynda ótetin «TEATR KÓKTEMİ-2016» festıvali qazaq sahnasynyń kózi tiri ańyzy, kórnekti aktrısa, Qazaqstannyń eńbek sińirgen artısi Habıba ELEBEKOVANYŃ 100 jasqa tolýyna arnalady, - dep habarlaıdy «Qamshy» portaly.
Jyl saıyn naýryz merekesi jáne 27 naýryz Halyqaralyq teatr kúnine oraılastyrylyp ótkiziletin bul dástúrli festıvál teatrdyń búgingi baǵyt-baǵdaryn anyqtaýǵa, repertýar saıasatyndaǵy ózindik izdenisterine dramatýrgıa, rejıser, akter óneriniń búgini men erteńine zerdeleýge múmkindik beredi.
Teatr tarlandaryn eske alyp, qarashańyraqta qazir eńbek etip júrgen esimi elge tanymal aǵa, ortabýyn akterlerdiń jańa eńbekterine, sondaı-aq jańa býyn, jas býynnyń kásibı shyńdalý mektebine baǵa berýdi maqsat etedi.
«Festıválde kórermenderge usynylatyn «Aı men Aısha» dramasy men «Qaza men jaza» krımınaldyq dramasy ótken maýsymnyń premeralary bolsa, qalǵan ekeýi 90- maýsymnyń premeralary.
90 maýsym teatr úshin tolaǵaı tabystarmen bastaldy. Taraz qalasynda atalyp ótken Qazaq handyǵynyń 550 jyldyq merekesinde M.Áýezov teatry «Qıly jol» tarıhı dramasyn usyndy. Tarıhı-patrıottyq taqyryptaǵy bul alańdyq qoıylym elimizdiń sahna óneri tarıhyndaǵy ǵana emes, rýhanı tájirıbesi oraıynan da asa sátti megajoba. Teatr ujymy Qyrǵyzstanda ótken «ARD ORDO» Halyqaralyq festıvaline qatysqan «Qas-qaǵym» (rej. E.Nursultan) tragedıasymen Bas júlde, Atyraýdaǵy R.Otarbaev atyndaǵy Halyqaralyq festıválden «Beıbarys sultan» (rej. Iý.Hanıngo-Beknazar) tarıhı dramasymen qatysyp, Bas júlde alyp qaıtty.
Festıvál kúnderi rejıserler, akterler men kórermender arasynda kezdesý ótkiziledi.
«Teatr kóktemi» festıvaline arnalǵan teatr mýzeıi qorynan kórme uıymdastyrylady.
«Teatr kóktemi - 2016» festıvali Almaty jurtshylyǵyna jáne qonaqtaryna úlken qýanysh, kóterińki kóńil-kúı syılaıtynyna senimimiz mol!», - delingen teatrdyń baspasóz qyzmeti taratqan habarlamada.
Qazaqstannyń eńbek sińirgen artısi Habıba ELEBEKOVAnyń 100 jyldyq jáne «M.Áýezov teatrynyń» 90 jyldyq mereıtoılaryna arnalǵan «TEATR KÓKTEMİ-2016» atty festıvaliniń kestesi:
|
№ |
Ýaqyty Ótetin oryn |
Ótkiziletin is-sharalar |
|
24 naýryz |
||
|
1 |
14:00-15.00 Kishi zal |
Evrıpıd. «Medeıa» .Ózindik jumys. |
|
2 |
16.00-17.00 İİ-foıe |
Baspasóz májilisi |
|
3 |
17.00-17.30 |
Fotokórmeniń ashylýy İ kezeń (1926-1956 jj.) |
|
4 |
18.30-18.45 Úlken zal |
Teatr akterleriniń saltanatty sherýi. |
|
5 |
18.45-19.00 Úlken zal |
M.Áýezov teatryna 90-jyl. Baıandamashy ǵylym doktory B.Nurpeıis. |
|
6 |
19.00de Úlken zal |
Festıváldiń saltanatty ashylýy. Teatr dırektory E.Biláldiń kirispe sózi. |
|
7 |
19.00-21.00 Úlken zal |
«Qaza men jaza» spektakli. |
|
25 naýryz |
||
|
1 |
13.30-14.00 |
Fotokórme İİ kezeń (1956-1986 jj.) |
|
2 |
15.00-16.45 Kishi zal |
«Qoshtasqym kelmeıdi...» spektakli |
|
3 |
18.30-20.50 Úlken zal |
«Aı men Aısha» spektakli |
|
26 naýryz |
||
|
1 |
14.00-15.30 Kishi zal |
«Lır». Ózindik jumysy. (Ý.Shekspırdiń «Lır patsha» tragedıasynyń negizinde) |
|
2 |
16.00-16.30 |
Fotokórme İİİ kezeń (1986-2016 jj.) |
|
3 |
18.30-20.50 Úlken zal |
«Almas qylysh» spektakli |
|
27 naýryz |
||
|
1 |
11:00-12.45 |
H.Elebekova atyndaǵy «Teatr kóktemi-2016» festıvaliniń jabylý saltanaty. Júldegerlerdi marapattaý rásimi. |
|
2 |
18.30-20.30 |
M.Áýezov teatrynyń 90- jyldyǵyna arnalǵan saltanatty kesh |
Pikir qaldyrý