Qytaıda dári-dármekterdi zańsyz satýmen aınalysty degen kúdikpen 37 adam qamaýǵa alyndy, - dep habarlaıdy QazAqparat Sınhýa agenttigine silteme jasap.
Tergeýshilerdiń málimetinshe, olar qutyrý, V gepatıti jáne polıomelıtke qarsy vaksınalardy joǵary baǵamen qaıta satýmen aınalysqan iri jeliniń izine tústi.
Bıznesti Shandýn provınsıasynda ustalǵan kelinshek pen onyń qyzy uıymdastyrǵan. Habarlanyp otyrǵandaı, olar 2011 jyldan bastap lısenzıasy bar jáne zańsyz óndirýshilerden dári-dármekter satyp alyp, olardy qara bazarda nemese aýrýhanalarǵa satqan, dep jazady VVS.
Bul rette dári-dármekterdi saqtaý jáne tasymaldaý talaptary saqtalmaǵan. Bes jyldyń ishinde áıel zańsyz saýdadan 88 mln. dollar paıda tapqan.
