Qazaqstandyq kásipqoı boksshy Qanat Islam jekpe-jegin Astanada ótkize alar edi, biraq onyń tańdaýy AQSH-tyń Maıamı qalasyna tústi, - dep habarlaıdy «Qamshy» portaly QazAqparatqa silteme jasap.

8 mamyrda bul qalada onyń kelesi jekpe-jegi ótedi. Qarsylasynyń esimi aldaǵy ýaqytta jarıalanady.

«Meni elordalyq klýbqa shaqyrdy, biraq olardyń boks keshi de mamyr aıyna túsip tur. Sondyqtan biz bárin oılastyryp, Maıamıdi tańdadyq. Bolashaqta Astanadaǵy keshke de qatysa alamyn dep oılaımyn», - degen sózderin keltiredi VKontakte áleýmettik jelisindegi Q.Islamnyń resmı paraqshasy.

Budan basqa, buǵan deıin Qanat Islam Qytaıda jekpe-jek ótkizý múmkindigi týraly málimdegen.

«Bul baǵytta jumys júrgizilip jatyr. Qazirgi kezde men Maıamıdegi boks keshine daıyndalyp jatyrmyn. Kezdesýdi Qytaıda ótkizý nusqalary odan keıin qarastyrylady», - dep baıandady Qanat Islam.

Qanat Islam kásibı rıngte 20 jekpe-jek ótkizip, barlyǵynda jeńiske jetti, sonyń 17-in nokaýtpen aıaqtady. Boksshy birinshi ortasha salmaqta (69 keli) WBA Fedelatin jáne WBA FideCaribe nusqalary boıynsha álem chempıony.