Búgin Almaty qalalyq máslıhatynyń alǵashqy sesıasy ótip, onda máslıhat hatshysy taǵaıyndaldy, - dep habarlaıdy «Qamshy» portaly.

Úİ shaqyrylǵan qalalyq máslıhattyń hatshylyǵyna kásipker Qaldybaı Qazanbaev saılandy. Q. Qazanbaevtyń aldyńǵy shaqyrylymdaǵy máslıhatqa da depýtat bolǵanyn aıta ketken jón.

Sondaı-aq, sesıa jumysy barysynda qalalyq máslıhattyń turaqty komısıalary quramy bekip, tóraǵalary taǵaıyndaldy.

Depýtat Sergeı Kozlov máslıhattyń ekonomıka jáne búdjet jónindegi, Roza Badaeva kólik jáne turǵyn-úı máseleleri jónindegi, Marat Ádilhanov qurylys jáne jer qatynastary jónindegi, Konstantın Avershın kásipkerlikti damytý jáne TKSH máseleleri jónindegi, Hanzada Esenova mádenı-áleýmettik damý máseleleri jónindegi, Dınara Núketaeva jergilikti memlekettik basqarý jáne zańdylyq máseleleri jónindegi komısıalarǵa tóraǵa bolyp saılandy.