Jaqynda Aqtóbe qalasyndaǵy «Nur Otan» partıasynyń fılıalynda «Ǵylym-bilim-óndiris – 2016» ınovasıalyq jobalar forýmy aıasynda ál-Farabı atyndaǵy QazUÝ ǵalymdarynyń Aqtóbe aımaqtyq ónerkásiptik kásiporyndarynyń ókilderimen birlesken tájirıbelik-konstrýktorlyq jáne ınovasıalyq jobalarynyń kórmesi uıymdastyryldy, - dep habarlaıdy «Qamshy» portaly.
Forým oblys ákimi Berdibek Saparbaevtyń bastamasymen ónerkásiptik kásiporyndar, bıznes jáne ǵylym arasynda tikeleı dıalogty júzege asyrý úshin uıymdastyryldy. Ýnıversıtet ǵalymdary metalýrgıa, munaı jáne kómir hımıasy, hımıalyq tehnologıalar, bıotehnologıa, ekologıa, energotıimdilik jáne bilim salalaryna zertteýler engizýge arnalǵan 20-dan astam jobany kórsetti.
Kórme barysynda ǵalymdar men ónerkásip ókilderi arasynda Aqtóbe oblysynyń kásiporyndaryna otandyq ınovasıalardy engizý joldaryn izdestirý máseleleri boıynsha qyzý pikirtalas týyndady.
Ál-Farabı atyndaǵy QazUÝ-da ýnıversıtet ǵalymdarynyń ınovasıalyq tehnologıalaryn óndiriske engizýdiń jaqsy tájirıbesi qalyptasqan. Mysaly, ýnıversıtet ǵalymdary oılap tapqan munaımen búlingen topyraqty tazartýǵa arnalǵan jabdyqtar «Jańajol» ken ornynyń munaı qaldyqtaryn jınaıtyn polıgonynda tabysty túrde synaqtan ótti, «Suıyq sıntetıkalyq otyn» JSHS kásipornynda kómirden mazýt jáne benzın fraksıalaryn alatyn qondyrǵynyń alǵashqy nusqasy ornatyldy, krıogendik tehnologıalar medısınada qoldanys tapty.
Kezdesýdiń qorytyndylary boıynsha ónerkásiptik kásiporyndar men bıznes-qurylymdardyń ókilderi ýnıversıtetpen budan keıingi yntymaqtastyqqa daıyn ekendikterin bildirdi. Búgingi kúni «Sagız Petroleým JSHS-men munaıdy daıyndaý jáne tasymaldaý úderisteriniń tıimdiligin arttyrý úshin magnıttik aktıvatorlardy tájirıbelik-óndiristik synaqtan ótkizý jáne laborotorıalyq zertteýler júrgizý týraly kelisimge qol jetkizildi, óndiristik sıklǵa qosý maqsatynda olardy keńeıtý tehnologısyn jasaý úshin «Qazhrom» AQ kásipornynyń ónerkásiptik qaldyqtarynyń úlgileri berildi. «SNPS – Aqtoǵaı Munaıgaz» AQ jáne Aqtóbe oblysy boıynsha jolaýshylar kóligi men avtomobıl joldary basqarmasy krıogendi tehnologıalardy keńinen engizý boıynsha seriktes bolýǵa daıyn ekendikterin bildirdi, kómirsýteginiń sıntetıkalyq formalary negizinde jaryq berý jáne ylǵaldylyq ótkizgishterin jasaý boıynsha jobalar oblys ákimshiligin qyzyqtyrdy.
Ýnıversıtet óz kezeginde Aqtóbe qalasynyń eki orta mektebin qamqorlyqqa aldy.
Aqtóbe oblysynyń ákimshiligi men ál-Farabı atyndaǵy QazUÝ arasynda yntymaqtastyq týraly memorandýmǵa qol qoıyldy, onyń sheńberinde Aqtóbe oblysynyń ákimi kóptegen tapsyrmalar berdi, atap aıtqanda, Ýnıversıtet ǵalymdarynyń zertteýlerin Aqtóbe oblysy ekonomıkasynyń naqty salalaryna engizý jáne ınvestısıa tartý jolymen básekege qabiletti zamanaýı óndiristi damytýǵa baǵyttalǵan keshendi jospar jasaýdy usyndy.
Qazirgi ýaqytta memorandýmnyń negizgi pýnktterin júzege asyrý jospary belgilenip, ónim óndirýge arnalǵan jáne oblystyń naqty salalaryna engizýge joǵary qosymsha quny bar jobalardy qarastyrý boıynsha jumys bastaldy.
