QR Investısıa jáne damý mınıstrligi Azamattyq avıasıa komıteti «Fokker-100» áýe kemesin tehnıkalyq aktisiz paıdalanýǵa tyıym saldy,- dep habarlaıdy «Qamshy» portaly.

«QR IDM azamattyq avıasıa komıteti «Bek Eır» avıakompanıasynyń atyna kompanıanyń ınjenerlik-avıasıa qyzmetiniń basshysyna shasıdiń aldyńǵy agregattary men toraptaryn jáne shasıdi jınaý jáne shyǵarý júıesin birrettik tehnıkalyq tekserýdi uıymdastyrý jóninde nusqaý jiberdi. Tıisti tehnıkalyq aktini QR IDM AAK men «Qazaeronavıgasıa» RMK áýe qozǵalysyn josparlaý bas ortalyǵyna usyný qajet. Sonymen qatar Komıtet «Qazaeronavıgasıa» RMK ÁQJ bas ortalyǵyna «Fokker»-100» áýe kemelerin kórsetilgen tehnıkalyq aktisiz ushýǵa jibermeý jóninde nusqaý berdi», - delingen QR IDM Azamattyq avıasıa komıtetiniń habarlamasynda.

Málimetke saı, 2016 jyldyń 27 naýryzynda Astana qalasyndaǵy halyqaralyq áýejaıda «Bek Eır» avıakompanıasynyń «Fokker-100» ushaǵy tap bolǵan apat faktisi boıynsha Azamattyq avıasıa komıteti kezekti reısti oryndaý aldynda osy tektes aldyn alý sharalaryn júrgizýdi qolǵa aldy.

Qazaqstanda «Fokker-100» úlgisindegi ushaqtardy  «Bek Eır» avıakompanıasy ǵana paıdalanady. Olarda osyndaı 8 ushaq bar, onyń altaýy Qazaqstan aýmaǵynda ushady.