Alamtyda 2017 jyly ótetin qysqy Ýnıversıadaǵa arnalyp salynyp jatqan nysandardy aralaǵan qala basshysy osylaı dedi, - dep habarlaıdy «Qamshy» portaly.
Sporttyq, basqa da nysandar qurylysy jaz sońyna deıin aıaqtalyp, 31 tamyzda paıdalanýǵa berilýi tıis.
Atap aıtqanda, Baýyrjan Qydyrǵalıuly 3 myń oryndyq Muz arenasy, 12 myń oryndyq Muz Saraıy men 5 myń adamǵa arnalǵan Atletıkalyq aýyldaǵy qurylys jumystarymen tanysty.
Shahar basshysy atalǵan nysandardyń Ýnıversıada kezinde paıdalanýǵa daıyndyǵymen qosa, sporttyq sharadan keıin de halyq ıgiligine qoldanýǵa múmkindik beretin ınfraqurylymdaryna nazar aýdardy.
Muz Arenasy – kóp fýnksıaly sporttyq keshen. Onda 3 myń oryndyq Muz arenasynan bólek, 300 oryndyq shaǵyn arena da bar. Arena muz jabyndylaryn alyp tastap, voleıbol, basketbol, mını-fýtbol alańdaryna aınaldyrý múmkindigi eskerilip salynýda.
Qazir qurylys jumystaryna 1200 qazaqstandyq jumysshy men 80 otandyq kompanıa jumyldyrylǵan. Nysan 2017 jyly ótetin 28-Búkilálemdik qysqy Ýnıversıada kezinde erler arasyndaǵy shaıbaly hokeı jarysyn qabyldaıdy.
Baýyrjan Baıbek nysandy aralaý kezinde Elbasy tapsyrmasyn taǵy bir eske salyp, atalǵan nysandardyń halyqqa qol jetimdi bolýy úshin memleket barlyq jaǵdaıdy jasaıtynyn atap ótti.
«Elbasy atap ótkendeı, Ýnıversıada Qazaqstan úshin zor ekonomıkalyq jáne áleýmettik áseri bar mańyzdy ımıjdik joba. Qysqy oıyndar aıaqtalǵannan keıin nysandardy qalaı paıdalanatymyzdy oılaý kerekpiz. Sonymen birge, búdjetke túsetin salmaq az bolýy kerek jáne ol nysandar halyqqa qol jetimdi bolýy tıis. Ýnıversıada qalanyń damýyna oń qarqyn berip, onyń sáýlettik kelbetin jaqsartýy, qonaq úılerdegi, qoǵamdyq kóliktegi, meıramhanalardaǵy, sporttyq oryndardaǵy qyzmet kórsetý sapasyn arttyrýy tıis. Osynyń barlyǵy shaǵyn jáne orta bızneske de qoldaý bolady, olar úshin jańa qyzmet kórsetý salasy, jańa jumys oryndary ashylady», - deıdi qala basshysy.
Ákim sondaı-aq, 12 myń oryndyq Muz Saraıynyń da negizgi blogy qurylysymen jaqyn tanysty.
Kópsalaly Muz Saraıy kesheni Qazaqstannyń aldyńǵy qatarly sporttyq ǵımaraty bolady. Nysan iske qosylǵan soń jyl saıyn 600 myń kórermenge qyzmet etetin bolady. Saraı qurylysy ýnıversıada ótkennn keıingi ýaqytta da paıdalanýǵa bolatyndaı eseppen júrgizilýde. Saraıda bolashaqta kásibı sportshylar turaqty túrde jattyǵý jasaıtyn bolady. Ýnıversıada kezinde munda sharanyń ashylý jáne jabylý saltanaty, mánerlep syrǵanaý jáne kerlıng saıystary ótedi.
Osy rette Almatyda salynyp jatqan Atletıkalyq aýyldyń Ýnıversıada tarıhynda osy maqsatta turǵyzylǵan alǵashqy nysan ekenin aıta ketý kerek. Atletıkalyq aýyl 8-9 qabatty 8 turǵyn-úı ǵımaratynan jáne 4-14 qabatty basqa da ǵımarattardan, ortalyq ámbebap alańnan, turmystyq qyzmet kórsetý ǵımarattarynan, eki qabatty ınfraqurylymy jetildirilgen arnaıy platformadan turady.
Jomart Abdollauly
