«Bek Air» áýekompanıasy ushaǵynyń appatty jaǵdaıda qonýyna qatysty is QR Bas prokýratýrasynyń jiti baqylaýynda,-dep habarlaıdy «Qamshy» portaly QazAqparatqa silteme jasap.

«Atalǵan fakt sot aldyndaǵy tergeý amaldarynyń biryńǵaı reestrine QR QK 344-babynyń 1-bólimine sáıkes tirkeldi. Qylmystyq is Bas kólik prokýratýrasynyń arnaıy prokýrorlarynyń óndirisine alyndy, sotqa deıingi tergeý amaldary júrgizilip jatyr», - deıdi QR Bas kólik prokýratýrasynyń resmı ókili Ádilet Toqtamysov.

Aıta keteıik, 27 naýryz kúni «Bek Air» avıakompanıasynyń  «Fokker-100» tıpti áýe kemesi « Qyzylorda-Astana» baǵdarymen reıs oryndaýy barysynda shasıdiń aldyńǵy tireý taǵanynyń isten shyǵýyna baılanysty apattyq jaǵdaıda jerge qonǵan bolatyn.

Keste boıynsha ushaq Astanaǵa 09.45-te qonýǵa tıis bolatyn. Alaıda shtattan tys jaǵdaıda órt shyǵý qaýpin meılinshe azaıtý qajet boldy. Osyǵan baılanysty ushaq áýede qosymsha 50 mınýttaı ýaqyt ushyp júrdi. Osy ýaqyt aralyǵynda Astana áýejaıy órt bolý qaýpiniń aldyn alý maqsatynda ushý-qoný jolaǵyn kóbikke toltyrdy. Qosymsha 7 órt tehnıkasy men 4 jedel járdem mashınasy ázirlendi.

Ushaq 10.36 -da qondy.  Ushaq bortynda 116 jolaýshy men 5 ekıpaj múshesi boldy. Japa shekkender joq.

Áýejaıdyń, qalanyń shuǵyl qyzmetteriniń úılesimdi jumysy men áýe kemesi ekıpajynyń joǵary kásibıligin atap ótken jón.

Qazirgi ýaqytta QR IDM arnaıy komısıasy quryldy. Zertteý nátıjesi keıinirek habarlanatyn bolady.