QR Bilim jáne ǵylym mınıstrligi Ulttyq birińǵaı testileýdi aqyly negizde qaıta tapsyrý úshin tólenetin jarnanyń kólemin jarıalady, - dep habarlaıdy «Qamshy» portaly.
Mınıstrliktiń habarlaýynsha, bıyl UBT 1-15 maýsym aralyǵynda ótedi. Synaqtan óte almaǵan nemese nátıjesine kóńili tolmaǵan túlekter tamyz aıynda Astana, Almaty qalalary men oblys ortalyqtarynda ornalasqan bazalyq JOO-larda aqyly negizde qaıtadan synaq tapsyra alady.
UBT-ny qaıta tapsyrý quny – 2242 teńge.
UBT-ny qaıta tapsyrý úshin mınıstrlik JOO-lar tizimin bekitedi. Qaıta testileý Qazaqstan tarıhy, matematıka, oqý tili jáne tańdaý páni syndy tórt pán boıynsha ótedi.
Buǵan deıin mınıstrlik UBT-ny aqyly negizde qaıta tapsyrý múmkindigin engizetinin habarlaǵan bolatyn.
