«Shanshar» ázil-syqaq teatrynyń naýryz aıynda bergen konsertin jurtshylyq jyly qabyldaǵan bolatyn. Teatrdyń Youtube jelisine júktelgen jańa ázilderi de halyqty kúlkige qaryq qylýda, - dep habarlaıdy «Qamshy» portaly.

«Toqal alý», «Tok-shoý», «Teńgebaı men Dollar» syndy qoıylymdaryn búginde aldy 100 myńǵa jýyq qoldanýshy tamashalaǵan. Ádemi ázilge órilgen ol qoıylymdarda turmystyq áleýmettik máselelerdi sóz ete otyryp, memleket pen bılik ustanymdary, eldegi keri ketýshilikter de aıaýsyz synǵa alynady.

Qazaq sahnasynda ózindik orny, baı tarıhy bar teatrdyń shyn jankúıerleri az emes. Alaıda, óner ujymynyń eńbegine kóńili tolmaıtyndar men syn aıtýshylar da tabylady.

Buǵan deıin jazýshy Zeınep Ahmetova «Shanshar» teatryndaǵy azamattardyń áıel rólin somdaýyn synǵa alǵan bolatyn.