Búgin V Almaty marafonynyń uıymdastyrýshylary bıylǵy marafonǵa jańa dısıplına qosylatynyn málimdedi, - dep habarlaıdy «Qamshy» portaly QazAqparatqa silteme jasap.  

«Almaty marafony qaıyrymdylyq maqsatta ótkiziledi. Jyl saıyn belgili bir maqsat qoıamyz. Bıyl sal aýrýyna shaldyqqan balalarǵa kómek beriledi. «ARDI» múgedek balalardyń ata-analary qaýymdastyǵyna tirek-qımyl júıesin ońaltatyn 4 apparat satyp áperemiz», - dedi uıymdastyrý komıtetiniń dıretkory Saltanat Qazybaeva. 

Onyń aıtýynsha, bıylǵy baıqaýda buryn jiberilgen qatelikterdiń barlyǵy eskerilmek. Máselen qatysýshylarǵa bıyl sóre nómirleri ataýly túrde beriledi. Sondaı-aq, júgirýshilerge arnap jańa dısıplına ashyldy. 

«Kóptegen marafonda kórgenderińizdeı, ortasynda qarqyndy azaıtyp, aıańǵa túsetin adamdar bolady. Olar júırikterdiń jolyn bógeıdi. Sondyqtan, olarǵa arnalyp, «Skandınav júrisi» dısıplınasy engizildi. Endi olar arttaǵylarǵa bóget bolmaı, eń sońǵy 10 shaqyrymdyq qashyqtyqqa shyǵatyn bolady», - dedi S.Qazybaeva. Sonymen qatar, ár qashyqtyqtyń óz medali bolady. 
Bıylǵy mereıtoılyq marafonda 42 shaqyrym qashyqtyqqa 8 peısmeıker shyǵatyn bolady. Bul sportshylar júgirý qarqynyn báseńdetpeýge, qatysýshylardy yntalandyrýǵa jumys isteıtin bolady. 

Uıymdastyrý komıteti bıylǵy baıqaýǵa 15 myń adam qatysatynyna úmittenip otyr. 

Aıta ketý kerek, mańyzy sporttyq shara 24 sáýirde ótedi.