Polsha bıligi keńestik eskertkishterdi jappaı buzýǵa ázirlik ústinde. Eldiń Ulttyq eskertkishter ınstıtýty osyndaı bastama kóterdi, - dep habarlaıdy QazAqparat polshalyq Onet.pl portalyna silteme jasap.

Mekeme basshysy Lýkash Kamınskııdiń paıymdaýynsha, keńes eskertkishteri «Polshaǵa komýnıstik júıe ústemdik etken kezeńniń» nyshanyn bildiredi eken.

Monýmentterdi buzý jobasyn ınstıtýt taıaý aptada jergilikti ózin-ózi basqarý organdaryna joldaıdy. Portaldyń jazýynsha, bul «KSRO-ǵa alǵys retinde» qoǵamdyq oryndarda ornatylǵan 500-den astam eskertkishge qatysty. «Eskertkishterdi polshalyqtar emes, negizinen Qyzyl ásker ókilderi ornatqan», - dep atap ótedi portal. Tuǵyrynan alynǵan eskertkishter murajaıǵa ornalastyrylady.

Elde «keńes ókimetine alǵys retindegi» eskertkishterden basqa keńes jaýyngerleriniń qabirlerine ornatylǵan birqatar keńestik monýmentter bar. Olar ornynda qaldyrylady. Memleket olardy burynǵysha óz qamqorlyǵynda ustaıtyn bolady.