Elimizde keler jyly halyqaralyq «EKSPO-2017» kórmesi ótetini belgili. 1851 jyldan beri álemniń aldyńǵy qatarly memleketterinde dástúrli túrde uıymdastyrylyp júrgen bul kórmeniń bizdiń elimiz úshin de bereri mol, - dep habarlaıdy "Qamshy" portaly.
Eń aldymen «EKSPO-2017» sharasy qazaqstandyqtar úshin bolashaqtyń energetıkasyn damytý úshin jańa tehnologıany tańdap, ony ıgerýge asa qajetti bolyp tabylady. Meniń oıymsha, kórmeni ótkizgennen keıin tipti ony synǵa alyp júrgen eń adamdar ózderiniń qatelikterin sezip, stereotıptik tar oılarynyń tutqynynan shyǵady dep oılaımyn. Bizdiń elimizge de bir úshi tıetin álemde bolyp jatqan jahandyq daǵdarysqa qaramastan, biz jańa obektilerdi iske qosyp jatyrmyz, ondaǵan myń jumys oryndaryn ashýdamyz, qurylysqa júzdegen otandyq kásiporyndar tartyldy, týrısik klaster qarqyndy kóterilýde, Astana qalasynyń jáne de elimizdiń basqa óńirlerindegi qalalardyń ınfraqurylymdary jańarýda, osynyń barlyǵy elimizdegi shaǵyn jáne orta bıznestegi damýyna serpin beredi.
Jalpy alǵanda, eger men «EKSPO-2017» - bul naǵyz daǵdarysqa qarsy jol kartasy» dep aıtatyn bolsam eshqandaı artyq aıtqandyq bolmaıdy. Alaıda, eń bastysy, bizdiń elimizdiń paıdasyn, upaıyn túgendeýge ǵana basymdyq berýge bolmaıdy. Astana kelesi jyly adamzattyq eń negizgi, basty problemalaryn sheshetin ortalyqqa aınalady. Buny biz durys túsinýimiz kerek. «EKSPO-2017» búkil memleketimiz úshin qajet.
Búginde kórmege qatysýshy-memleketter sany turaqty ósip jatyr. Dál osy jaǵynan kelgende «EKSPO» kórmesin ótkizýge nıetti elder qatarynda aıtarlyqtaı báseke bary jasyryn emes.
Qazaqstan halyqaralyq kórmeni qabyldaı otyryp, paıda tabýǵa múmkindigi bar. Osy maqsatta jasalǵan kóptegen qadamdar, alǵa eseptelgen bastamalar bar. Bul jerde bizdiń Memleket basshysynyń eki bastamasyna toqtalý kerek. Ótken jyldyń aıaǵynda ótken Nú-Iorktegi BUU Bas Assambleıasynda sóz sóılegen Nursultan Ábishuly Nazarbaev «EKSPO-2017» kórmesiniń ınfraqurylymy negizinde jasyl tehnologıany damytý boıynsha Halyqaralyq hab ashýdy usyndy. Bul óte mańyzy zor oqıǵa.
Oılap qarańyz, bul ortalyq energıany únemdeý jáne jańartylǵan energıa kózderi sıaqty basymdyq beriletin baǵyttardaǵy ozyq tehnologıalardy damyta alady qazirgi kezdiń ózinde sheteldik mamandar hab qurý bastamasyna úlken qyzyǵýshylyq tanytýda. Olar mundaı joba AQSH-taǵy «kremnıı alqabymen» nemese Qytaıdaǵy Beıjiń tehnologıalyq ortalyǵymen parapar bolady deýde.
Ekinshiden, «EKSPO-2017» ınfraqurylymdarynyń negizinde qurylatyn, aǵylshyn presendenttik quqyq negizinde qyzmet etetin jáne mindetti túrde osy máseleni jasaǵanda Dýbaıdyń tájirıbesin zerttep, paıdalanylatyn «Astana» qarjy ortalyǵy qurylmaq. Brıtandyq zańnamalar búkil álemde úlken suranysqa ıe ján zańdy júrgizý búkil álemde suranysqa ıe, aǵylshyndyq quqyq negizinde zańdy júrgizý bıznes-qoǵamdaǵy zamanaýı trendterge sáıkes. Bul óz kezeginde elmizdiń ekonomıkasyna sheteldik ınvestısıalardy tartýǵa jaqsy faktor bolady.
«Aıqyn» gazetinde jarıalanǵan «Astana EKSPO-2017» qoǵamdyq keńesiniń tóraǵasy, L.Gýmılev atyndaǵy Eýrazıa ulttyq ýnıversıtetiniń rektory Erlan Sydyqov myrzanyń suhbaty negizinde ázirlegen: Darhan Muqantegi.
