Oralda toǵyzqumalaqtan uldar men qyzdar arasynda ótken el chempıonaty márege jetti, - dep habarlaıdy «Qamshy» portaly 24kz-ke silteme jasap.
Zıatkerlik saıysqa elimizdiń barlyq oblystary men Astana jáne Almaty qalalarynan 250 oıynshy qatysty. 10, 12 jáne 14 jas aralyǵyndaǵy jasóspirimder klasıka jáne blıs túrleri boıynsha sheberlik baıqasty.
Jarys nátıjesinde klasıka túrinen 10 jas dárejesi boıynsha qarǵandylyq Shyńǵys Qoıshybaı men qyzylordalyq Juldyz Muńaıtpasovanyń baǵy jansa, 12 jasta Jambyl oblysynyń ulany Ernursultan Boranbaı men pavlodarlyq Aıajan Eginbaı jeńiske jetti.
Al, 14 jastaǵy sportshylar arasynda qyzylordalyq Damır Ahmetov pen Aaqtóbelik Gúljanat Aldabergenovalar aldyna jan salmaǵan.
Dáýlet Ábdikárim, jarystyń bas tóreshisi:
- Bul chempıonattyń maqsaty – aldaǵy Qytaı elinde ótetin Azıa chempıonatyna irikteý. Sondaı-aq osy Qazaqstan Respýblıkasy quramasyna sportshylardy irikteý. Kóbine mektepte úzdik, ozat, jaqsy oqıtyn balalar oınaıdy. Kóp ata-analar aıtyp jatady, osy toǵyzqumalaqqa kelgeli balalarymyzdyń matematıkasy túzeldi dep, ol da biz úshin óte qýanysh.
