Ońtústik Koreıanyń Kanvon provınsıasynda 54 jastaǵy Qazaqstan azamaty mınaǵa túsip qalǵan, - dep habarlaıdy «Qamshy» portaly Qazaqstannyń Syrtqy ister mınıstrligi baspasóz qyzmetine silteme jasap.

4 sáýir kúni Ońtústik Koreıanyń KHDR-men shekaralas Kanvon proıvnsıasynda mınaǵa túsip qalǵan.

«Jaraqat alǵan azamat alǵashqy medısınalyq járdem kórsetilgen soń sanavıasıa ushaǵymen Seýl aýrýhanasyna jetkizilip, ota jasaldy. Jarylys saldarynan atalǵan azamat oń aıaǵynyń tórt birdeı baqaıynan aıryldy», - delingen SİM taratqan habarlamada.

Jaraqat alǵan azamat Ońtústik Koreıaǵa dárigerlerge qaralý úshin baryp, sol jaqta jumysqa qalyp qoıǵan. Ol ańdaýsyzda basyp ketken mına 1951-1953 jyldardaǵy Koreı soǵysynan qalǵan bolýy múmkin. Qazaqstannyń atalǵan eldegi elshiligi qazir oqıǵa ornynda Ulttyq polısıa men qorǵanys vedomstvosynyń mamandary jumys istep jatqanyn habarlady.